2019-09-15 09:38:27

شه‌فه‌ق نيوز/ وه‌زاره‌ت كووچ و كووچبه‌ره‌يل ئاشكراى به‌سانن كه‌مپ ئه‌لجه‌دعه‌ى شه‌شه‌م سه‌ر وه‌ ناحيه‌ى گه‌ياره‌ كرد له‌ باشوور پاريزگاى نه‌ينه‌وا دوياى ده‌رچگن دويا كاروان خيزانه‌يل ئاواره‌ ك له‌تى نيشته‌جێ بوين ئه‌را ناوچه‌يل ره‌سه‌ن خوه‌يان دوياى ئه‌وه‌گ نزيكه‌ى چوار ساڵ له‌تى وه‌سه‌ربردن.

 

له‌و باوه‌ته‌و، عه‌لى عه‌باس جه‌هانگير وه‌ڕيه‌وبه‌ر گشتى ده‌زگاى كاروبار لقه‌يل له‌ وه‌زاره‌ته‌گه‌ له‌ به‌ياننامه‌يگ ئه‌را شه‌فه‌ق نيوز وت: دوياى كووتاييهاتن ئامانج بنه‌ڕه‌تى له‌ دامه‌زرانن ئى كه‌مپه‌و گله‌وخواردن خيزانه‌يل ئاواره‌ ئه‌را ناوچه‌يليان له‌ هه‌ردوگ پاريزگاى سه‌ڵاحه‌دين و ئه‌نبار، كه‌مپ ئه‌لجه‌دعه‌ى شه‌شه‌م وه‌ فه‌رمێ داخريا.

 

جى باسه‌، جه‌هانگيرى هه‌يمش وت: پاريزگاى نه‌ينه‌وا 13 كه‌مپ له‌خوه‌ێ گرتگه‌و هه‌ردوگ كه‌مپ نه‌مرود و ئه‌لجه‌دعه‌ى شه‌شه‌م وه‌ فه‌رمى داخريانه‌و يه‌يش ده‌رخست ك كه‌مپ حاجى عه‌لييش خه‌ريكه‌ داخريه‌ێد له‌ ماوه‌ى رووژه‌يل ئاينده‌ دوياى گله‌وخواردن خيزانه‌يلى ئه‌را شوون و ماواى خوه‌يان.

}