كورده‌يل فه‌يلى ناڕه‌زايى له‌ هه‌ڵمه‌ت كووچ وه‌پيكردن تازه‌يگ ده‌رخه‌ن

Category: هــــه‌واڵ عــیراق

Date: 2019-08-06T20:55:48+0000
كورده‌يل فه‌يلى ناڕه‌زايى له‌ هه‌ڵمه‌ت كووچ وه‌پيكردن تازه‌يگ ده‌رخه‌ن

شه‌فه‌ق نيوز/ هوشام فه‌يلى نوێنه‌ر كورده‌يل فه‌يلى له‌ ئه‌نجومه‌ن پاريزگاى واست، ئاشكراى ئه‌وه‌ كرد فراكسيۆنه‌يليگ سياسى له‌ ئه‌مجومه‌ن پاريزگاگه‌ ده‌نگ له‌بان دويره‌وخستن وه‌رپرسه‌يل حكومى له‌ رووڵه‌يل پيكهاته‌گه‌ى دانه‌ له‌ پۆسته‌يليان و ئى مه‌سه‌له‌يشه‌ وه‌ هه‌ڵمه‌ت تازه‌يگ ئه‌را كووچ وه‌پيكردن و وه‌ئامانجگرتن وجوود پيكهاته‌گه‌ له‌و پاريزگا تاريف كرد.

 

فه‌يلى له‌ كۆنگره‌يگ رووژنامه‌گه‌رى له‌ ئه‌نجومه‌ن پاريزگاى واست وت: وه‌ناو خوه‌مه‌و ك نوێنه‌ر كورده‌يل فه‌يلييم له‌ ئه‌نجومه‌نه‌گه‌ ئاشكراى ئه‌وه‌ ئه‌كه‌م ك هه‌ڵمه‌ت تازه‌يگ كووچ وه‌پيكردن له‌بان ئى پيكهاته‌ ده‌س وه‌پيكردگه‌و ئمڕوو له‌ دانيشتن ئه‌نجومه‌ن پاريزگاى واست وه‌ ريككه‌فتنيگ زاڵمانه‌ گيرياسه‌ ئامانج.

 

فه‌يلى يه‌يش ده‌رخست ك له‌ئاكام ئه‌و ريككه‌فتنه‌يل سياسيه‌ ك حكومه‌ت ناوچه‌يى له‌بانى دامه‌زرياگه‌ ئه‌را واست به‌ش كورد له‌تى بويه‌، وه‌لێ ئه‌وه‌گ ئمڕو روێدا ژان و دڵته‌نگى تازيگ له‌بانكان و دوباره‌كردنه‌وه‌ى روێداگه‌يل كووچ وه‌پيكردن و بيسه‌روشوونكردن و له‌ناوبردن 24 هه‌زار جايه‌ڵ جوانه‌ له‌رووڵه‌يل پيكهاته‌گه‌و وه‌تاڵانبردن دارايى و ماڵ و موڵكه‌يل و مافه‌يليانه‌ وه‌ دويره‌وخستن نوێنه‌ره‌يليان له‌ پۆسته‌يليان وه‌ ناهه‌قى و ئه‌وه‌گ ئمڕوو ئاشكرا كريا ئعلانيگ بوێ ئه‌را زوڵميگ تر له‌ كورده‌يل فه‌يلى.

 

جى باسه‌، فه‌يلى ئاماژه‌ وه‌ ئه‌وه‌يش كرد سه‌رۆك ده‌سه‌ى وه‌به‌رهاوردن واست و وه‌ريه‌وبه‌ر گشتى په‌روه‌رده‌ى واستيش ك هه‌ردوگيان كورد فه‌يليين له‌ پۆسته‌يليان دويره‌و خريانه‌ وه‌گووره‌ى داواكارييگ ك ده‌نگ له‌بانى دريا.

related

ده‌زگاى شه‌هيدان باس له‌باره‌ى قه‌ورسانيگ وه‌جه‌م گه‌وراى كورده‌يل فه‌يلى كرد

Date: 2020-03-03 19:57:58
ده‌زگاى شه‌هيدان باس له‌باره‌ى قه‌ورسانيگ وه‌جه‌م گه‌وراى كورده‌يل فه‌يلى كرد

داوا كريا كورده‌يل فه‌يلى كانديد ئه‌را پله‌يل تايبه‌ت و ده‌سه‌يل سه‌روه‌خوه‌ى بكريه‌ن

Date: 2019-06-29 15:26:45
داوا كريا كورده‌يل فه‌يلى كانديد ئه‌را پله‌يل تايبه‌ت و ده‌سه‌يل سه‌روه‌خوه‌ى بكريه‌ن