2019-09-08 09:03:30

شه‌فه‌ق نيوز/ سه‌رۆكايه‌تى ئه‌ركان سوپاى كوه‌يتى، ئه‌و لێدوانه‌يله‌ خسته‌ دروو ك نرياسه‌ ده‌م شێخ ناسر سه‌باح ئه‌لئه‌حمه‌د ئه‌لسباح جيگر سه‌رۆك ئه‌نجومه‌ن وه‌زيره‌يل وه‌زير وه‌رگرى له‌باره‌ى وجوود قه‌يران له‌ناونى وڵاته‌گه‌ى و عراق.

 

سه‌رۆكايه‌تى ئه‌ركان سوپاى كوه‌يتى له‌ به‌ياننامه‌يگ ك له‌لايه‌ن هه‌واڵه‌يل ئاژانس كوه‌يتييه‌و بڵاو كرياگه‌ وت: شێخ ناسر جه‌خت له‌ قويلايى په‌يوه‌نديه‌يل دووسانه‌ى ناونى هه‌ردوگ وڵات برا و وه‌رده‌وامى هاوكارييان ئه‌كا له‌گشت بواره‌يل له‌وانه‌يش له‌ بوار سه‌ربازێ و مكوڕبوين هه‌ردوگلا له‌بان پته‌وكردنى.

 

سه‌رۆكايه‌تى ئه‌ركان سوپاى كوه‌يتى داوايش له‌ وه‌كاربه‌ره‌يل ماڵپه‌ڕه‌يل په‌يوه‌ندى كۆمه‌ڵايه‌تى كرد هويچ نه‌خه‌نه‌ لاى ئيچنه‌ هه‌واڵه‌يليگ بى سه‌رچه‌وه‌ و دقه‌ت بوون له‌ مامڵه‌كردن وه‌ليا.

 

جى باسه‌، مه‌ردمانيگ له‌ ماڵپه‌ڕه‌يل په‌يوه‌ندى كۆمه‌ڵايه‌تى توێته‌ر وه‌ دروو قسه‌ ئه‌را شێخ ناسر هه‌ڵواسينه‌ له‌باره‌ى وجوود قه‌يران له‌ناونى كوه‌يت و عراق له‌باره‌ى دامه‌رزانن سه‌كووييگ ده‌ريايى له‌ ناوچه‌ى فشت ئه‌لعيج.

}