2019-09-02 07:17:07

شه‌فه‌ق نيوز/ وه‌گووره‌ى قسه‌ێ سه‌رچه‌وه‌يليگ له‌ پۆليس و شايه‌تحاڵه‌يل، له‌ ئه‌نجام په‌لاماريگ چه‌كدارى له‌ يه‌كيگ له‌ ناوچه‌يل باكوور به‌غداى پايته‌خت كوشيان و زخمدار له‌لى كه‌فته‌و.

 

له‌و باوه‌ته‌و، ئه‌و سه‌رچه‌وه‌و شايه‌تحاڵه‌يله‌ ئه‌را شه‌فه‌ق نيوز، باس له‌وه‌ كردن ك دويه‌شه‌و ديره‌ وه‌ختيگ چه‌كداره‌يليگ وه‌ سه‌ياره‌يگ "پيكاب ده‌به‌ڵ قه‌ماره‌" له‌ ناوچه‌ى بوب شان له‌ باكوور به‌غداى پايته‌خت ته‌قه‌ له‌ سێ كه‌س كردنه‌.

 

جى باسه‌، هه‌مان سه‌رچه‌وه‌و شايه‌تحاڵه‌يل يه‌يش ده‌رخستن ك له‌ئه‌نجام ئه‌و په‌لاماره‌ يه‌كيگ له‌و سێ كه‌سه‌ كوشياگه‌و ئه‌و دووانه‌گه‌يش زه‌خمدار بوينه‌و دوياخريش چه‌كداره‌يل واينه‌ وه‌ره‌و شوونيگ ناديار.

}