2019-09-07 20:08:30

شه‌فه‌ق نيوز/ سه‌رچه‌وه‌يگ له‌ پۆليس عراقى و فرايگوزاره‌يل، باس له‌وه‌ كردن ك وه‌لاى كه‌مه‌و 12 كه‌س زه‌خمدار بوينه‌ له‌ زنجيره‌ ته‌قينه‌وه‌يليگ ك ناوچه‌يليگ شيعه‌نشين گرته‌سه‌ ئامانج له‌ به‌غداى پايته‌خت.

 

ئه‌و سه‌رچه‌وه‌يله‌ ئه‌را شه‌فه‌ق نيوز وتن: گشت ئه‌و ته‌قينه‌وه‌يله‌ ك ئمڕوو ئيواره‌ كه‌فتنه‌سه‌و له‌ئه‌نجام مين له‌چاڵنرياێ بوينه‌.

 

يه‌يش له‌وه‌ختيگ دو ته‌قينه‌وه‌ وه‌يه‌كه‌و له‌ ناوچه‌ى تالبيه‌ روێدا و په‌نج كه‌س زه‌خمدار كرد و ته‌قينه‌وه‌يگيش هاوشيوه‌ له‌ ناوچه‌ى شورته‌ى چوار كه‌فته‌و.

 

جى باسه‌، روێداين ئى ته‌قينه‌وه‌يله‌ له‌وه‌ختيگه‌ ك شيعه له‌ عراق ساڵياد شه‌هيدبوين ئيمام حسێن سڵام خودا له‌لێ زينگ ئه‌كه‌نه‌و.

}