2019-11-16 08:57:36

شه‌فه‌ق نيوز/ ليژنه‌ى مافه‌يل ئاده‌ميزاد له‌ ئه‌نجومه‌ن نوێنه‌ره‌يل عراقى, ئه‌و ته‌قينه‌وه‌ ك له‌ نزيك مه‌يدان ته‌حرير روێدا وه‌ "رويداگيگ مه‌ترسيدار" ناوبرد له‌ مه‌سه‌له‌ى ده‌سه‌وه‌ركردن سه‌ڵامه‌تى خوه‌ينيشانده‌ره‌يل.

 

ليژنه‌گه‌ له‌ به‌ياننامه‌يگ وت: ئه‌و ته‌قينه‌وه‌يله‌ ئسپات وجوود ئه‌و لايه‌نه‌ ئه‌كا ك هه‌وڵ شيوانن ئاسايش و بڵاوكردنه‌وه‌ى ئاژاوه‌ ئه‌ياد و ئى مه‌سه‌له‌يشه‌ پيچه‌وانه‌ى ياساى ئنسانى ناوده‌وڵه‌تى و په‌يڕه‌وه‌يل ماف ئاده‌ميزاد و ريككه‌فتنه‌يل ناوده‌وڵه‌تيه‌ ئه‌را مافه‌يل ئاده‌ميزاد.

 

ليژنه‌گه‌ داوايش له‌ هيزه‌يل ئه‌منى و ريكخه‌ره‌يل خوه‌ينيشانداينه‌يل كرد هاوكارى يه‌كترى بكه‌ن له‌ ده‌روازه‌يل وشكانن وه‌ره‌و ناو مه‌يدانه‌يل خوه‌ينيشانداين نه‌وه‌ك لايه‌ن سێيه‌م دزه‌ بكاده‌ ناو خوه‌ينيشانداينه‌يل، داوايش له‌ ده‌زگايه‌يل ئه‌منى كرد ئه‌و لايه‌نه‌يله‌ ئاشكرا بكه‌ن ك ته‌قينه‌وه‌ تيرۆريستيه‌گه‌ ئه‌نجام دان و خوه‌ينيشانده‌ره‌يل ئاشتيخواز گرته‌ ئامانج.

FaceIraq
}