لە موسل و له‌ ئۆپراسیۆنیگ ئەمنی ٦ تیرۆرست دەسوەسەر کریان

Category: هــــه‌واڵ عــیراق

Date: 2020-05-14T20:02:52+0000

شەفەق نیوز/ سەرچاوەیگ ئەمنی ئمڕوو پەنجشەممە، باس لە دەسوەسەکردن ٦ کەس سەر وە ریخریاگ داعش کرد، لە لا چەپینەی موسیل ناوەند پارێزگای نەینەوا.
سەرچاوەگە ئەرا ئاژانس شەفەق نیوز وت: هێزیگ هاوبەش لە فەوج فریاگوزاری پۆلیس دوانزەیەم سەروە پۆلیس نەینەوا و وەڕیەوبەرایەتی هەواڵگیری ودژە تیرۆر نەینەوا ک هالە ئاژانس هەواڵگیری و لێکۆڵینەوەی فیدڕاڵی سەروە وزارەت ناوخۆ، ئۆپراسیۆنیگ ئەمنی جیوەجی کردن، وەپی تویەنستن ٦ تیرۆرست دەسوەسر بکەن، ک یەکیگیان تەقینەوه‌ وه‌ ماشین دروس کردیاد، دووان لەلیان کار لە ( حسبە داعش) کردیان.
سەرچاوەگە دیاری کرد، ک ئەواکان تر، چه‌كدار بوینە لە دیوان سەربازەیل وفیرقەی نەهاوەند جنگاوەری، لە وەخت کۆنتڕۆڵ شار موسیل له‌ لاین داعیش . وتیش؛ لە ناوچەیل نەهزەو زەهراو ئەربچیە لە لای چەپ موسل دەسوەسەر کریان، ئەویش لەبان زانیاریەل هەواڵگیری وردیگ وەهاوکاری هاوڵاتیەیل.