2019-06-17 19:32:37

شه‌فه‌ق نيوز/ بڕياره‌ شێخ سه‌باح ئه‌حمه‌د جابر ئه‌لسه‌باح مير كوه‌يت، رووژ چوارشه‌ممه‌ى ئاينده‌ وه‌ فه‌رمى سه‌ردان به‌غداى پايته‌خت بكا.

 

وه‌گووره‌ى كه‌ناڵ ئاڕ تى رووسى له‌زووان دبلۆماتكاريگ عراقى، رووژ چوارشه‌ممه‌ى ئاينده‌ مير كوه‌يت سه‌ردان به‌غدا ئه‌كاو چه‌وى ئه‌كه‌فێده‌ سه‌رۆك كۆمار و وه‌زيره‌يل و وه‌رپرسه‌يل تر عراقى و سه‌ره‌تاى باسه‌يليشى مه‌سه‌له‌ى قه‌يران ناونى واشنتۆن و ته‌هران باس ئه‌كا وه‌ل وه‌رپرسه‌يل عراقى.

 

جى باسه‌، زويتريش خالد جاره‌ڵڵا جيگر وه‌زير خارجيه‌ى كوه‌يتى ئه‌وه‌ ده‌رخست ك ريككه‌فتنيگ كوه‌يتى عراقى وجوود ديرێد له‌باره‌ى چاره‌سه‌ركردن چه‌ن كيشه‌يگ له‌چوارچێوه‌ى په‌يوه‌نديه‌يل خاس ناونى هه‌ردوگ وڵات.

FaceIraq
}