2019-06-20 20:15:13

شه‌فه‌ق نيوز/ محه‌مه‌د حه‌لبوسى سه‌رۆك ئه‌نجومه‌ن نوێنه‌ره‌يل عراقى پيشوازى كرد له‌ نێچيروان بارزانى سه‌رۆك هه‌رێم كوردستان و شاند ياوه‌رى.

 

نويسينگه‌ى سه‌رۆك ئه‌نجومه‌ن نوێنه‌ره‌يل وت: حه‌لبوسى له‌و دانيشتنه‌ پابه‌نديه‌يل دارايى له‌بان هه‌رێم تاووتوێ كردگه‌ سه‌باره‌ت وه‌ نه‌فت وه‌گووره‌ى ياساى بودجه‌ى ناوه‌ندى ئمساڵ 2019 و خواست مقه‌يه‌تيبوين له‌بان په‌ره‌داين وه‌ په‌يوه‌نديه‌يل ناونى هه‌رێم و حكومه‌ت ناوه‌ندى و چاره‌سه‌ر گشت كيشه‌يل ناونيان وه‌ گيان برايه‌تى و هاوبه‌شى نيشتمانى.

 

يه‌يش ده‌رخست ك سه‌رۆك ئه‌نجومه‌ن نوێنه‌ره‌يل وه‌ل بارزانى ياساى نه‌فت و غاز و ياساى هه‌ڵوژاردنه‌يل ئه‌نجومه‌ن پاريزگايه‌يل و ياساى دادگاى ناوه‌ندييش باس كردگه‌.

 

لاى خوه‌ييشه‌و بارزانى پلانه‌يليگ ئه‌را په‌ره‌داين وه‌ په‌يوه‌نديه‌يل ناونى هه‌رێم و حكومه‌ت ناوه‌ندى خسته‌سه ‌ڕوێ دوياى له‌يه‌كه‌وداين كيشه‌يل و داناين ميكانيزميگ هاوبه‌ش ئه‌را چاره‌سه‌ركردنى و ئوميد يه‌يش خواست په‌يوه‌ندييگ پته‌و وه‌ل حكومه‌ت ناوه‌ند باێده‌ وجوود له‌بان بنه‌ماى به‌رژه‌وه‌نديه‌يل هاوبه‌ش و ئاماده‌گى هه‌رێميش ده‌رخست ئه‌را پيشوازيكردن له‌ ليژنه‌يگ په‌رله‌مانى له‌وه‌ر ئاگاداربوين له‌  ميكانيزم فرووشتن نه‌فت و ئه‌و داهاته‌يله‌ ك ئه‌چێده‌ ژير سه‌رپه‌رشى كومپانيايه‌يل جه‌هانى.

FaceIraq
}