2019-09-26 08:35:39

شه‌فه‌ق نيوز/ سه‌رچه‌وه‌يليگ عراقى، وت: وڵاته‌يل يه‌كگرتگ ئه‌مريكا هه‌ڕه‌شه‌ى وه‌كارهاوردن سياسه‌ت "خاك سزياێ" كردگه‌ دژ ئه‌و لايه‌نه‌يله‌ ك ده‌س داشتنه‌ له‌ په‌لامارداين باڵيۆزخانه‌گه‌ى له‌ به‌غدا وه‌ مووشه‌كه‌يل كاتيوشا.

 

له‌ى باوه‌ته‌و، رووژنامه‌ى عه‌كاز سعودى له‌ شماره‌ى ئمڕووى له‌ زووان ئه‌و سه‌رچه‌وه‌يله‌ وت: ئى هه‌ڕه‌شه‌يله‌ له‌لايه‌ن مارك ئه‌سپه‌ر وه‌زير وه‌رگرى ئه‌مريكا ئه‌را عادل عه‌بدولمه‌هدى سه‌رۆك وه‌زيره‌يل جيواز كرياگه‌ له‌ په‌يوه‌ندييگ ته‌له‌فۆنى دوياى چه‌ن سه‌عاتيگ له‌ ئه‌نجامداين ئه‌و په‌لاماره‌ ئه‌را بان باڵيۆزخانه‌ى واشنتۆن.

 

سه‌رچه‌وه‌گه‌ وت: ئه‌سپه‌ر ئه‌و په‌لاماره‌ ئه‌را بان باڵيۆزخانه‌گه‌ له‌يوا تاريف كردگه‌ جاريگتر گشت په‌ڕه‌يليگ تيكه‌ڵ بكريه‌ێد و مراجعه‌ت له‌ مامڵه‌ى وڵاته‌يل يه‌كگرتگ بكريه‌ێد وه‌ل فه‌سيله‌يل عراقى سه‌ر وه‌ ئيران.

FaceIraq
}