2019-07-07 19:57:48

شه‌فه‌ق نيوز/ نه‌جاح شه‌مه‌رى وه‌زير وه‌رگرى عراقى، پيشوازى له‌ جيم جيفرى نێرده‌ی تایبەت ئەمریکا ئه‌را عراق و سورياو شاند ياوه‌رێ كرد.

 

له‌و ديداره‌ باس له‌باره‌ى وه‌رده‌وامى پيشكه‌شكردن ده‌سميه‌ت و پاڵپشتى هيزه‌يل چه‌كدار كريا ك پرووسه‌يل وه‌رده‌وام له‌و ناوچه‌يله‌ ئه‌نجام ئه‌يه‌ن ك تيرۆريسته‌يل داعش له‌تيان وجوود ديرێد و نێرده‌ى ئه‌مريكايش ستايش رۆل ئه‌و هيزه‌يله‌كرد له‌ روێ وه‌ڕوێ بوينه‌وه‌ى تيرۆر و جه‌خت له‌وه‌ كرد وڵاته‌يل يه‌كگرتگ ريز له‌ سه‌روه‌رى عراق و بڕياره‌يل تايبه‌ت سه‌ربازى و سياسيى ئه‌گرێد له‌ناو خاكه‌يلى.

 

لاى خوه‌ييشه‌و، وه‌زير وه‌رگرى عراق وت: حكومه‌ت عراقى كار گه‌وراى دبلۆماسى و سياسى له‌ ناوچه‌گه‌ ئه‌نجام ئه‌ياد و جى حورمه‌ت گشتلايگه‌و وه‌گشت داناييگه‌و مامڵه‌ وه‌ل قه‌يران ئه‌كا وه‌گووره‌ى بارژه‌وه‌نديه‌يل عراق و ناوچه‌گه‌و وتيش: عراق رێ نايه‌ێد خاكه‌يلى باريه‌ێده‌ كار ئه‌را ئه‌نجامداين هه‌ر كرده‌وه‌يگ سه‌ربازى له‌ليه‌وه‌و رييش نايه‌ێد له‌ناو خاكه‌گه‌يه‌و ده‌سدريژى بكريه‌ێده‌ بان هيزه‌يل هاوپه‌يمان و نێرده‌يل دبلۆماسى له‌ عراق.

}