2019-08-18 19:33:50

شه‌فه‌ق نيوز/ بڕيگ راپۆرت ميديايى باس له‌و قه‌يران سياسيه‌ كردن ك هاته‌سه‌ تويش عادل عه‌بدولمه‌هدى سه‌رۆك وه‌زيره‌يل عراقى، ئه‌ويش له‌لايه‌ن بڕيگ فراكسيۆنه‌يل سياسييه‌و له‌ په‌رله‌مان عراقى.

 

ئه‌و فراكسيۆنه‌يل داوا ئه‌كه‌ن فشار بخريه‌ێده‌ بان ئوردن ئه‌را راده‌سكردن ئۆپۆزسيۆنه‌يل عراقى، ديارترينيانيش ره‌غه‌د دويه‌ت سه‌دام حسێن سه‌رۆك كۆچكردگ و له‌ هه‌مان وه‌خت حكومه‌ت ئوردنييش ئه‌وه‌ خسته‌دروو ك عراق ئيچنه‌ داواكارييگ فه‌رمى پيشكه‌ش وه‌پى كردوێد و جه‌خت له‌وه‌يش كرد په‌نابه‌ره‌يل عراقى له‌ ئوردن ميوانن له‌لايان.

 

له‌ى باوه‌تيشه‌و، خه‌ليل ئه‌لعه‌تيه‌ په‌رله‌مانتار ئوردنى و ئه‌ندام په‌رله‌مان عه‌ره‌بى ئه‌را "سبوتنيك" رووسى وت: هه‌ركه‌سيگ روێ له‌ ئوردن بكا پاسه‌وانى ته‌واوێگى ئه‌كريه‌ێد و هاشميه‌يل شان وه‌شانيان وسيه‌ن و جه‌ختيش له‌وه‌ كرد ئيچنه‌ مه‌سه‌له‌يليگ وه‌ فه‌رمان ئيرانيه‌يله‌ له‌وه‌ر فشارخستن له‌بان حكومه‌ت عراقى تا مه‌رزه‌يلێ وه‌ل ئوردن وه‌شيوه‌يگ سروشتى واز نه‌كا ك هه‌رچه‌نى شاعه‌بدوڵڵاى دويه‌ميش سه‌ردان به‌غدا كرد سه‌ربار وجوود گشت كيشه‌يليگ و سه‌رۆك حكومه‌ت عراقيش دوجار سه‌ردان ئوردن كرد، وه‌لێ فشاره‌يل ئيرانى هه‌وڵ وسيان له‌ڕوێ كريانه‌وه‌و هاوردنه‌وه‌ى په‌يوه‌نديه‌يل ناونى عراق و وڵاته‌يل عه‌ره‌بى ئه‌ياد ئه‌را حاڵه‌ت سروشتى.

FaceIraq
}