ڤایڕۆسەگە دزە کەێد وەرەو ٣٤ پزشک لە دیالە

Category: هــــه‌واڵ عــیراق

Date: 2020-06-16T12:03:58+0000

شەفەق نیوز/ سەرچەوەیگ پزشکی، ئمڕوو سێشەممە، خەوەردا لە مردن ٢١ تووشهاتگ وە ڤایڕۆس کۆڕۆنا لە پارێزگای دیقار باشوور عراق.
عراق لە وەخت بڵاوبوین ڤایڕۆس کۆڕۆنا ٢١٣١٥ تووشهاتگ تۆمار کردگە، ٦٥٢ لەلیان مردگە، و ٩٢٧١ خاسەوبویە. لەی مەوقە، سەرچەوەیگ پزشکی ئەرا ئاژانس شەفەق نیوز خەوەردا؛ گشت ژمارەی تووشهاتگەیل کۆڕۆنا لەناو پزشکەیل لە سەره‌تای دیاردان تووشهاتنەگان تا دویەشەو رەسیە ٣٤ کەس.
سەرچەوەگە دیاری کرد ک دووان لە پزشکەیل خاسەوبوین، و پزشکیگ تر خوەی د.یاسین کازمە کۆچ دویایی کرد، و ٣١ كه‌سیان هانە ژیر چارەسەری.
ژمارەی تووشهاتگەیل لە دیالە تا دویەکە دووشەممە رەسیە ٤٣٤ تووشهاتگ، ٢٨٨ لەلیان خاسەوبویە، و ٢٧ مردگە.