کوشتار و ماڵ سزانن لە جه‌نگ ناونی هووزه‌یل لە باشوور عراق

Category: هــــه‌واڵ عــیراق

Date: 2020-07-03T12:41:10+0000

شەفەق نیوز/ سەرچەوەیگ ئەمنی لە پارێزگای زیقار، ئمڕوو جومعە، خەوەردا لە کوشتن شەش کەس لە مرافەیگ ناونی هووزه‌یل لە قەزای شەترە لە پارێزگاگە.
سەرچەوەگە ئەرا ئاژانس شەفەق نیوز وت: مرافەیگ هووزانە کەفتەو لە یەکیگ لە ئاوایەیل سەروە قەزای شەترە، وە کوشیان ٦ کەس وسزانن ٤ ماڵ کۆتایی هات. وئاماژەدا؛ ک لەناو کوشیاگەیل چەن کەسیگ بوینە ک دەسوەردان ناوجی کردنە، ئەرا تەقە وسانن.
سەرچەوەیگ لە وەختیگ گوزەیشتە ئەرا ئاژانس شەفەق نیوز وت: ک پەنچ ئەندام لە پۆلیس زەخمداربوین هەنای تەقەلا دان ئەرا ناوجیکردن مرافەیگ هووزانە لە سوق شیوخ لە پارێزگای زیقار، و دیاری کرد ک مرافەگە بویە هووکار لە بڕین ئه‌و ریە ک وەرەو پارێزگای بەسرە چوود.
لە ناوڕاس مانگ حوزەیران گوزەیشتە، لە قەزای رفاعی لە پارێزگای زیقار هەمیش مرافەی هووزانەیگ قومیا، ک یەک کەس وەچەقو كوشیا و کەسیگ تر زەخمداربوی ، و هێزە ئەمنیەگان دەسوەردانکردن ئەرا کۆنتڕۆڵ کردن رووداوەگە، وەگورەی قسەی سەرچەوەیگ ئەمنی ئەرا شەفەق نیوز.
باشوور عراق، هەر ماوەی جاریگ مرافەیل هووزانە وەخوەی دوینێد، چەن چینەیلیگ لە چەک وەکارتێەرێەێد وه‌تایبەت سووک و ناوڕاسەگانی، و فرە جار لە مەدەنیەگان لەلی بوونە قوربانی، و فرە کەس لە عراق و تایبەت لە پارێزگا باشووریەگان پەنا وە هووزەیل بەن ئەرا چارەسەرکردن ئەو مرافەیلە ک لە ناوبەینیان بوود، لە ری یەکلاکردنەوەی، یا قەرەبووکردن زیاندارەگە وە بڕ پویل وەراورد زیان دارایی و دەروونی.