2019-05-15 09:37:03

شه‌فه‌ق نيوز/ ئداره‌ى پاريزگاى كه‌ركوك بريار گله‌وخواردن خيزانه‌يليگ عه‌ره‌ب دا ئه‌را ئاوايى په‌ڵكانه‌ى سه‌ر وه‌ ناحيه‌گه‌ سه‌ركران له‌ قه‌زاى دبس و ئه‌و خيزانه‌يله‌ وه‌ ره‌سه‌ن تاريف وه‌گوورى بڕياره‌يل دادوه‌رى و له‌ هه‌مان وه‌خت تومه‌تبار پارت ديموكرات كوردستانيش كرد وه‌ به‌رپاكردن ئاگر ئاشووگه‌رى له‌ پاريزگاگه‌.

 

ئداره‌گه‌ له‌ به‌ياننامه‌گ له‌ جواو قسه‌يل پارت ديموكرات كوردستان له‌ ئه‌نجومه‌ن نوێنه‌ره‌يل عراقى، وت: گله‌وخواردن ئه‌و خيزانه‌يله‌ ئه‌را شوونه‌يل و ئاوايه‌يل خوه‌يان ئنسافكردن هه‌قه‌يله‌ ك له‌ هاووڵاتيه‌يل ره‌سه‌ن كه‌ركوكى زه‌فت كرياوێد ك وه‌زووره‌ملى ده‌ركرياوێن له‌ ناوچه‌يليان.

 

جى باسه‌، به‌ياننامه‌گه‌ هه‌ميش وت: گله‌وخواردن ئه‌و خيزانه‌يله‌ وه‌ بڕياره‌يل دادوه‌رى بويه‌ وه‌ گووره‌ى ياساى 117ى گريه‌به‌سه‌يل كشتوكاڵى ك تائيسه‌ يه‌كلاوه‌ نه‌كرياگه‌ له‌ڕێ ليژنه‌يل تايبه‌تمه‌ند ك نوێنه‌ره‌يل گشت پيكهاته‌يل كه‌ركوك ئه‌گرێده‌ خوه‌ى و له‌ژير سه‌رپه‌رشى سه‌رۆكايه‌تى ليژنه‌ى هه‌ماهه‌نگى له‌ناونى پاريزگايه‌يل و ئه‌ندامه‌يل ئه‌نجومه‌ن نوێنه‌ره‌يل و لايه‌نه‌يل تر له‌ هه‌رسێ سه‌رۆكايه‌تى و ده‌سڵات دادوه‌رى و ئه‌نجومه‌ن باڵاى دادوه‌رى.

YesIraq
}