2019-11-14 18:17:31

شه‌فه‌ق نيوز/ ئه‌نجومه‌ن وه‌زيره‌يل له‌ هه‌رێم كوردستان, بڕيار پله‌ به‌رزكردنه‌وه‌ى سه‌ربازى ئه‌را خانه‌نشينه‌يل پێشمه‌رگه‌و كه‌مئه‌ندامه‌يل سه‌نگه‌ر له‌ وه‌زاره‌ت پێشمه‌رگه‌ قه‌يه‌غه‌ كرد.

 

وه‌گووره‌ى نويسرياگيگ وه‌زاره‌ت پێشمه‌رگه‌ ك ئاراسته‌ى ئه‌و حزبه‌يله‌ كرياگه‌ ك له‌سه‌رده‌م شاخ خه‌بات چه‌كدارى كردنه‌، له‌تى ئاماژه‌ وه‌ ئه‌وه‌ كرياگه‌، له‌يه‌ودويا كار پله‌ به‌رزكردنه‌وه‌ى پێشمه‌رگه‌و كه‌مئه‌ندامه‌يل سه‌نگه‌ر ك له‌سه‌رده‌م شاخ خه‌بات كردگه‌ يا زه‌خمدار بويه‌ له‌ ده‌سه‌ڵات وه‌زاره‌ت پێشمه‌رگه‌ نه‌مه‌ندگه‌.

 

وه‌زاره‌ت پێشمه‌رگه‌ ئه‌را حزبيليش وتگه‌: چه‌وديريكردن و پله‌ به‌رزكردنه‌وه‌ى پێشمه‌رگه‌و كه‌مئه‌ندامه‌يل سه‌نگه‌ر له‌ ئه‌نجومه‌ن وه‌زيره‌يل هه‌رێم ئه‌نجام ئه‌دريه‌ێد، هه‌ر وه‌و خاتريشه‌ له‌يه‌ودويا دى داواكاريه‌يليدان راسه‌وخۆ ئاراسته‌ى ئه‌نجومه‌ن وه‌زيره‌يل هه‌رێم بكه‌ن.

FaceIraq
}