بارزانی مەرجیگ دیاری کەێد ئەرا سەردان بەغداد

Category: هــــه‌واڵ كــوردى

Date: 2020-06-15T18:44:48+0000

شەفەق نیوز/ مەسرور بارزانی، سەرۆک حکومەت هەرێم کوردستان، ئمڕو دووشەممە، راگەیان لە ئامادەبوونی ئەرا سەردان بەغداد، هەروەختیگ حکومەت فیدڕاڵی ئامادەبوون خوەی ئاشکرا بكا ئەرا چارەسەر ناکۆکیە دویاخرایەیل لەناوبەینیان.
بەیاننامەیگ ئەرا حکومەت هەرێم رەسیە ئاژانس شەفەق نیوز وت؛ مەسرور بارزانی سەرۆک حکومەت هەرێم کوردستان، ئمڕوو دووشەممە، پێشوازی لە ستیڤن هەێکی باڵوێز بریتانی لە عراق کرد . لە چەوکەفتنەگە ک جیمس سۆرینتون قونسڵ گشتی بریتانی لە هەولێر لەناوی بوی، باس کریا لە هەوڵەیل بتەوکردن پەیوەندیەگان ناونی هەرێم کوردستان و بریتانیا، وهەمیش باس چوونیەتی چارەسەر کێشەیل دویاخریاگ کریا، ناوبەین هەولێر و بەغداد.
سەرۆک حکومەت هەرێم کوردستان روشنایی خستە بان پەیوەندیەگان وەل حکومەت فیدڕاڵی، وتیش؛ پشتگیری حکومەت موستەفا کازمی کەیمن ئەرا یەکلاکردنەوەی گشت گیچەڵەیل دویاخریاگ وەپەی دەستور.
بارزانی دووپاتکرد؛ من ئامادەم ئەرا سەردان بەغداد هەروەختیگ برایل لە حکومەت فیدڕاڵی ئاشکرای ئامەدەبوونیان کردن ئەرا چارەسەر باوەتە ناکۆکیەگان ناوبەینمان.
لەلای خوەیەو باڵوێزە بریتانیەگە لە عراق، ئامادەبووین بریتانیا نشان دا ئەرا دەسمیەت حکومەت هەرێم کوردستان و حکومەت فیدڕاڵی، ئەرا نزیکەوکردن ناوبەینیان، لەپێناو کارکردن ئه‌را چاره‌سه‌ر گرفتەیل دویاخریاگ، وەپەی دەستور.
هەێکی وت؛ عراق و هەرێم کوردستان دوو برادەر و هاوپەیمان بریتانیان، وخوازیمن دەسمیەتیان بیەیمن ئەرا چارەسەر کردن ناکۆکیەگان ناوینیان، وه‌تایبەت لەی وەخت سەختە.