2019-08-21 19:42:49

شه‌فه‌ق نيوز/ ده‌زگايه‌يل ئه‌منى له‌ پاريزگاى هه‌ولێر پايته‌خت هه‌رێم كوردستان, ئاشكراى ده‌سوه‌سه‌ركردن كارتۆنه‌يل فريه‌يگ ده‌رمان ساخته‌ى وه‌هيزكردن جنسى كردن له‌شار هه‌ولێر.

 

ئه‌و كۆمپانيا ك ئه‌و ده‌رمانه‌ هاوردوێده‌ هه‌رێم كوردستانه‌و وه‌ناياسايى ماڵيگ كردوێده‌ كۆگايگ و دره‌مانه‌يل ساخته‌ له‌تى ساقه‌و كردوێد و هێزه‌يل ئه‌منييش گه‌ردن له‌شوون كۆگايگ تر هه‌مان كۆمپانيا.

 

هێژا ئه‌نوه‌ر وه‌ڕيه‌وبه‌ر چه‌ودێرى بازاڕ له‌ وه‌ڕيه‌وبه‌رايه‌تى كوالێت كۆنترۆڵكردن ده‌رمان له‌باره‌ى زه‌ره‌ده‌يل ته‌ندروستى ئه‌و ده‌رمانه‌يل ساخته‌، وت: ئى ده‌رمانه‌يله‌ چه‌نه‌ها مادده‌ى زه‌ره‌دده‌ر له‌تيان وجوود ديرێد و بوونه‌ هووكار نه‌خوه‌شى شيرپه‌نجه‌.

 

ئه‌نوه‌ر داوايش له‌ بازرگانه‌يل و هاووڵاتيه‌يل كرد خوه‌يان دوير بگرن له‌ ئيچنه‌ ده‌رمانه‌يليگ ساخته‌.

 

جى باسه، حاڵ حازريش خاوه‌ن كۆمپانياگه‌ چيه‌سه‌ ده‌يشت هه‌رێم و ها له‌شار موسڵ، وه‌لێ ئه‌دريه‌ێده‌ دادگاو په‌يجوورێ وه‌ليا ئه‌كريه‌ێد.

FaceIraq
}