2019-11-15 19:24:23

شه‌فه‌ق نيوز/ قوباد تاڵه‌بانى جيگر سه‌رۆك وه‌زيره‌يل هه‌رێم كوردستان، ئوميدواره‌ بودجه‌ى دارايى ساڵ 2020 مقه‌يه‌تى به‌رژه‌وه‌نديه‌يل گشت ملله‌ت عراقى بكا، له‌وانه‌يش كورد.

 

تاڵه‌بانى له‌ لێدوانيگ ئه‌را رووژنامه‌نويسه‌يل له‌وه‌خت ئاماده‌بوينى له‌ چله‌ى ماته‌مينى عزه‌دين مسته‌فا ره‌سوڵ نويسه‌ر ناودار كورد وت: گفتگووه‌يل وه‌ل به‌غدا وه‌شيوه‌ى خاسيگ گام نه‌ێد و ليژنه‌ى هاوبه‌ش دامه‌زرانيمنه‌، وه‌لێ خوه‌ينيشانداينه‌يل ئى دوياخره‌ ئه‌و گفتگووه‌يله‌ وسان و وه‌رپرسه‌يليش سه‌رقاڵ ئه‌و بارودوخه‌ بوين.

 

جى باسه‌، تاڵه‌بانى هه‌ميش وت: گفتگووه‌يل له‌نوو ده‌سوه‌پيكرد و ئيسه‌يش په‌يوه‌ندى و ئاڵشت و ئولشت هوير وڕا له‌ناونى هه‌ردوگلا وجوود ديرێد و ئوميده‌وارم بڕه‌سيمنه‌ ئه‌نجاميگ خاس له‌وه‌ر خاتر ئه‌وه‌گ بودجه‌ى ساڵ 2020 له‌ به‌رژه‌وه‌ندى ملله‌ت عراق و كوردستان بدێ.

FaceIraq
}