ديمه‌شق هه‌وڵ ريككه‌فتن سياسى وه‌ل كورده‌يل وڵاته‌گه‌ ئه‌ياد

Category: هــــه‌واڵ كــوردى

Date: 2019-12-08T19:34:03+0000
ديمه‌شق هه‌وڵ ريككه‌فتن سياسى وه‌ل كورده‌يل وڵاته‌گه‌ ئه‌ياد

شه‌فه‌ق نيوز/ له‌ هه‌وڵيگ ئه‌را نزيكه‌وكردن كورد له‌ باكوور سوريا، ديمه‌ش شانديگ كلكرده‌ قاميشلى له‌وه‌ر خاتر گه‌ردين له‌شوون ريككه‌فتنيگ سياسى دوياى له‌يه‌كڕه‌سينه‌وه‌ى سه‌ربازى له‌ناونى هه‌ردوگى ك پرووسه‌يل سه‌ربازى توركى چه‌سپانه‌ى و له‌يوا كرد كورده‌يل په‌نا وه‌ سوپاى رژيم سوريا بووه‌ن له‌وه‌ر پاسه‌وانيكردن مه‌رزه‌يل.

 

شاره‌زايه‌يل باس له‌وه‌ ئه‌كه‌ن دوشمن هاوبه‌ش هه‌ردوگ لايه‌ن كورد و حكومه‌ت سوريا، توركياس، ك شايه‌ت يه‌يش به‌شدار بدێ له‌ نزيكه‌وكردن هوير و ئه‌راىچوين له‌وه‌رانوه‌ر كاره‌يل ناكووكى ك خوه‌ى له‌وه‌ بوينێده‌و ك ئداره‌ى زاتى كورد هه‌وڵ مقه‌يه‌تيكردن ده‌سكه‌فته‌يلى بيه‌ێد ك له‌ماوه‌ى چوار ساڵ قه‌يران سوريا وه‌ده‌سى هاوردگه‌ وه‌ل زه‌مانه‌ت تايبه‌تمه‌نده‌ هيزه‌يل سورياى ديموكرات ك شماره‌يان نزيكه‌ى 79 هه‌زار كه‌سه‌.

 

له‌ى باوه‌تيشه‌و رووژنامه‌ى ئه‌لوه‌ته‌ن سوورى نيمچه‌ حكومى ك خوه‌ى وه‌ سه‌روه‌خوه‌ى زانێد، ئاشكراى ئه‌وه‌ كرد ديداريگ له‌ناونى چه‌ن حزبيگ سه‌ر وه‌حكومه‌ت سوورى و حزبه‌يليگ كورد له‌ شار قامشلى ئه‌نجام گرتگه‌.

related