2020-03-22 06:19:03

شه‌فه‌ق نيوز/ دكتۆر سه‌باح هه‌ورامى وه‌ڕيه‌وبه‌ر ته‌ندروستى پاريزگاى سلێمانى، وشدارى دا مه‌ردك شاره‌گه‌ له‌ بڵاوبوينه‌وه‌ى ڤايرۆس كۆرۆنا له‌ناو كويچه‌و شاره‌يل و داوايش كرد كه‌س له‌ ماڵ خوه‌ى ده‌رنه‌چێد.

 

هه‌ورامى له‌ لێدوانيگ وت: كۆرۆنا روێ كرده‌سه‌ كويچه‌و شاره‌يل و شماره‌ى تويشهاتگه‌يليش روێ له‌ زيايبوين كردگه‌و وه‌و خاتريشه‌ باس دووخه‌گه‌ له‌ده‌س نه‌يه‌يم و تويش كاره‌سات نايم و داوا له‌ هاووڵاتيه‌يل ئه‌كه‌م كه‌س له‌ماڵ خوه‌ى ده‌رنه‌چێد و په‌يڕه‌و رينمايه‌يل ته‌ندروستى بكريه‌ێد.

 

جى باسه‌، يه‌يش له‌وه‌ختيگه‌ وه‌زاره‌ت ته‌ندروستى له‌ حكومه‌ت هه‌رێم كوردستان، ته‌شخيس 7 حاڵه‌ت تر تازه‌ى تويشهاتن وه‌ ڤايرۆس كۆرۆنا كرد، ك 6 له‌ليان له‌ سلێمانى و يه‌كيگيش له‌ هه‌ولێر. وه‌يه‌يش شماره‌ى تويشهاتگه‌يل له‌ كوردستان ره‌سيه‌ 54 حاڵه‌ت، و يه‌كيگ  له‌ليان مردگه‌و 13 حاڵه‌ت خاسه‌وبوين تۆمار كرياگه‌.

}