2019-11-12 17:27:48

شه‌فه‌ق نيوز/ شانديگ هه‌رێم كوردستان، چه‌ن ياسايه‌يليگ كاروه‌پيكرياێ له‌ كوردستان خسته‌ڕوێ ئه‌را نوێنه‌ره‌يل له‌ مافه‌يل ئاده‌ميزاد له‌ ده‌وڵه‌ته‌يل جه‌هان له‌وه‌ر ئسپاتكردن مه‌سه‌له‌ى مقه‌يه‌تيكردن له‌ ماف پيكهاته‌يل وه‌شيوه‌يگ ياسايى.

 

له‌و باوه‌ته‌و، ديندار زێبارى ريكخه‌ر راسپارده‌ى نێوده‌وڵه‌تى له‌ حكومه‌ت هه‌رێم كوردستان، وت: سه‌ربار ئه‌وه‌گ گرفته‌يليگ وجوود ديرن، وه‌لێ حكومه‌ت هه‌رێم گامه‌يل فريه‌يگ ناگه‌ ئه‌را مقه‌يه‌تيكردن و پابه‌ندبوين وه‌ په‌يڕه‌ و نه‌ريته‌يل تايبه‌ت وه‌ مافه‌يل ئاده‌ميزاد.

 

جى باسه‌، زێبارى سه‌رۆكايه‌تى شاند كوردستان كردگه‌ له‌چوارچيوه‌ى شاند عراقى به‌شدار له‌ گفتگووه‌يل پانۆراماى خول گشتگير (UPR) تايبه‌ت وه‌ مافه‌يل ئاده‌ميزاد له‌ باره‌گاى ئه‌نجومه‌ن مافه‌يل ئاده‌ميزاد له‌ جنێف ك له‌ 9 ئى مانگه‌ ده‌سوه‌پيكرد و وه‌رده‌وامه‌ تا 14ى مانگ، ك باس له‌وه‌ كرد هه‌رێم كوردستان گامه‌يل فريه‌يگ ناگه‌ وه‌ره‌و مقه‌يه‌تيكردن له‌ په‌يڕه‌وكردن و نه‌ريته‌يل مافه‌يل ئاده‌ميزاد و له‌وانه‌يش جيگيركردن ياساى شماره‌ 5 له‌ساڵ 2015 تايبه‌ت وه‌ مقه‌يه‌تيكردن پيكهاته‌يل كوردستان له‌ چوارچيوه‌ى سياسه‌ت وه‌يه‌كه‌وژيان له‌ناونى پيكهاته‌يل.

FaceIraq
}