2019-09-02 20:24:48

شه‌فه‌ق نيوز/ رێواز فايه‌ق سه‌رۆك په‌رله‌مان كوردستان، پيشوازێ كرد له‌ جون ويليكس باڵێۆز به‌ريتانى له‌ عراق و جيمس سورونتن كونسڵ گشتى به‌ريتانى له‌ هه‌ولێر.

 

له‌و ديداره‌ باڵێۆز به‌ريتانى باس له‌و يه‌كسانيه‌ كرد ك وجوود ديرێد له‌ هه‌رێم كوردستان له‌ناونى ژن و پياو، ئوميد ئه‌وه‌يش خواست ژن رۆڵ گه‌وراتر بوينێد له‌ پۆسته‌يل سياسى و زياتر كاريگه‌ر بدێ له‌ سيسته‌م حوكم له‌ هه‌رێم.

 

لاى خوه‌ييشه‌و، رێواز فايه‌ق باس له‌ كارنامه‌ێ په‌رله‌مان كوردستان كرد ئه‌را وه‌رز ياسادانان تازه‌ له‌بان به‌رنامه‌ى فراكسيۆنه‌يل په‌رله‌مانى و به‌رنامه‌ى حكومه‌ت هه‌رێم و دابينكردن زه‌مينه‌يگ ياسايى گونجياێ ئه‌را به‌رنامه‌ حكوميه‌گه‌.

 

جى باسه‌، فايه‌ق هه‌ميش وت:  ئيمه‌ كار له‌بان په‌ره‌داين وه‌ په‌يوه‌نديه‌يلمان وه‌ل فراكسيۆنه‌يل كوردستانى ئه‌كه‌يم له‌وه‌ر وه‌كارهاوردن مافه‌يل ده‌ستوورى و ياساييمان وه‌خاتر نواگيرى له‌ جيگيركردن پرووژه‌ ياسايه‌يليگ ك ناگونجيه‌ێد وه‌ل مافه‌يل ده‌ستوورى و مادده‌يل و بڕگه‌يل ده‌ستوور و سيسته‌م فيدراڵى له‌ عراق، جوور پرووژه‌ ياساى خزمه‌ت مه‌ده‌نى و تانه‌داين له‌ دادگاى ناوه‌ندى دژ ياساييه‌يل و بڕياره‌يليگ ك زويتر ده‌رچينه‌و ناگونجيه‌ێد وه‌ل مافه‌يل ده‌ستووريمان و له‌ ده‌سڵات و پايه‌ى ده‌زگايه‌يل فه‌رمى كه‌مه‌و بكا له‌ هه‌رێم كوردستان جوور ياساى ئداره‌ى دارايى فيدراڵى ك له‌ 2019 ده‌رچيه‌.

YesIraq
}