2020-03-21 19:41:37

شه‌فه‌ق نيوز/ وه‌ڕيه‌وبه‌رايه‌تى ئاسايش گشتى له‌ هه‌رێم كوردستان، ئاشكراى لاوردن وه‌رپرسيگ ئاسايش كرد له‌ پۆسته‌گه‌ى له‌وه‌ر ئه‌وه‌گ پابه‌ند نه‌ويه‌ وه‌ رێ وشوونه‌يل ته‌ندروستى و هووكار بويه‌ له‌ هاوردنه‌ ناو ڤايرۆس كۆرۆنا ئه‌را پاريزگاى دهۆك.

 

وه‌يه‌وبه‌رايه‌تيه‌گه‌ له‌ به‌ياننامه‌يگ ك شه‌فه‌ق نيوز ئاگادارى بوێ، وت: وه‌ گووره‌ى په‌يجوريه‌يل ئه‌وه‌ ده‌ركه‌فتگه‌، عه‌ميد عه‌بدولوه‌هاب محه‌مه‌د عيسا ك ناسرياگه‌ وه‌(عه‌بدولوه‌هاب بارزانى) وه‌ڕيه‌وبه‌ر ئاسايش ده‌روازه‌ى ئبراهيم خه‌ليل سه‌ردان ئه‌ڵمانيا كردگه‌و له‌وه‌خت گله‌وخواردنى پابه‌ند نه‌ويه‌ وه‌ رينمايه‌يل ته‌ندروستى ئه‌را روێ وه‌ڕوێ بوينه‌وه‌ى ڤايرۆس كۆرۆناو جوور يه‌كه‌مين گاميگ بڕيار لاوردنى درياگه‌ له‌ پۆسته‌گه‌ێ.

 

به‌ياننامه‌گه‌ هه‌ميش وت: وه‌ريه‌وبه‌ر ئاسايش ده‌روازه‌گه‌ وه‌ موڵه‌تيگ فه‌رمى سه‌ردان ئه‌ڵمانيا كردو له‌ 14ى ئى مانگه‌ له‌وه‌خت گله‌وخواردنى له‌ڕێ ته‌ياره‌خانه‌ى ناوده‌وڵه‌تى هه‌ولێر پابه‌ند نه‌ويه‌ وه‌ رينمايه‌يل ته‌ندروستى ك له‌لايه‌ن ليژنه‌ى باڵاى حكومه‌ت هه‌رێم كوردستانه‌و ده‌رچيه‌ ئه‌را روێ وه‌روێ بوينه‌وه‌ى ڤايرۆس كۆرۆناو شوونه‌گه‌ى خوه‌ى له‌ كه‌ره‌نتينه‌ هيشته‌سه‌جێ و هه‌ر وه‌و خاتريشه‌ جوور يه‌كه‌م سزايگ بڕيار لاوردنى درياگه‌ له‌ پۆسته‌گه‌ێ جوور وه‌ڕيه‌وبه‌ر ئاسايش ده‌روازه‌ى ئبراهيم خليل.

 

جى باسه‌، به‌ياننامه‌گه‌ هه‌ميش وت: ئاسايش دڵنيايى ئه‌ياده‌ هاووڵاتيه‌يل ك هويچ كه‌سيگ له‌ ياسا باڵاتر نيه‌و سه‌رپيچيكار سزاى ياسايى وه‌رئه‌گرێد.

}