2019-08-19 08:52:09

شه‌فه‌ق نيوز/ وه‌ڕيه‌وبه‌رايه‌تى ئاسايش خوه‌رئاواى سلێمانى، ئاشكراى ده‌سگيركردن كه‌سيگ كرد ك كارگه‌ريگ ويستگه‌ى سوزه‌مه‌نى كوشتگه‌و بڕيگ پويل له‌لى له‌لێ دزيه‌ له‌ قه‌زاى چه‌مچه‌ماڵ له‌ پارێزگاى سلێمانى له‌ هه‌رێم كوردستان.

 

له‌و باوه‌ته‌و، چالاكوانه‌يل له‌ هه‌رێم كوردستان له‌بان ماڵپه‌ڕه‌يل په‌يوه‌ندى كۆمه‌ڵايه‌تى گرته‌ ڤيديۆيگ وه‌رگيرياێ له‌ كاميرايه‌يل چه‌وديرێ بڵاو كردنه‌ ك له‌تى كه‌سيگ وه‌ ماتۆڕسكڵيگه‌و ته‌قه‌ له‌ جايه‌ڵيگ ئه‌كا كار له‌ ويستگه‌ى سوزه‌مه‌نى ناحيه‌ى شۆرش سه‌ر وه‌ قه‌زاگه‌ ئه‌كاو يه‌كسه‌ر ئه‌كوشێده‌ى و نزيكه‌ى 200 هه‌زار دينار عراقى له‌لى ئه‌دزێد.

 

وه‌ڕيه‌وبه‌رايه‌تيه‌گه‌ له‌ به‌ياننامه‌يگ وت: ده‌زگايه‌يل ئه‌منى له‌ چه‌مچه‌ماڵ تويه‌نستنه‌ له‌ سه‌عات چوار ده‌مه‌و شه‌وه‌كى له‌بان رێ چه‌رمۆسيت له‌ ناحيه‌ى شۆڕش ئه‌و بكوشه‌ ده‌سگير بكه‌ن ك ناوى (سامان مه‌حمود ئه‌مين) و تومه‌تباره‌ وه‌ كوشتن(زانا كامل)كارگه‌ر له‌ ويستگه‌ى ناوبرياێ.

 

YesIraq
}