2019-11-04 18:03:56

شه‌فه‌ق نيوز/ مه‌سعود بارزانى سه‌رۆك پارت ديموكرات، جه‌خت له‌وه‌ كرد پشتگووشخستن ده‌ستوور و هه‌وڵ ته‌كڕه‌وى له‌ ده‌سڵات و خوه‌ى چه‌سپانن, عراق ره‌سانه‌ ئى بارودوخه‌ ك ئيسه‌ له‌تى ژيه‌ێد، باس له‌وه‌يش كرد مه‌ردم ماف خوه‌يه‌ داواى ژيانيگ سه‌قامگير و ئازاد بكا، جه‌ختيش له‌وه‌ كرد كه‌سانيگ هووكار شكه‌ست بوينه‌ له‌ ساڵه‌يل وه‌رين و ئيسه‌يش سوار شه‌پۆل ناڕه‌زايه‌تيه‌يل بوينه‌.

 

بارزانى له‌وه‌خت پيشوازيكردن له‌ شانديگ ديالۆگ رافده‌ين ك پيكهاتوين له‌ بڕيگ كه‌سايه‌تى و نوخبه‌ى ئه‌كاديمى و رووشنهويرى عراقى باس له‌ بارودوخ ئى دوياخر خوه‌ينشانداين و بارودوخه‌يل سياسى عراقى و ئاينده‌ى پرووسه‌ى سياسى كرد و وت: كه‌سانيگ هووكار شكه‌ست بوينه‌ له‌ ساڵه‌يل وه‌رين و ئيسه‌يش سوار شه‌پۆل ناڕه‌زايه‌تيه‌يل بوينه‌.

 

نوسينگه‌ى بارزانى له‌ به‌ياننامه‌يگ وت: شاند ميوان له‌ سه‌ره‌تاى ديداره‌گه‌ سوپاسگوزارى ئه‌را ده‌رفه‌تداين وه‌و ديداره‌و خستنه‌ڕوێ هورير و ڕاو تێبينيه‌يل ى بارزانى كردنه‌ له‌باره‌ى

باروخ و پلانه‌يل ناوه‌ند رافده‌ين ئه‌را تاووتويكردن له‌باره‌ى بارودوخ ئيسه‌و خستنه‌ڕوێ پيشنياره‌يلى ئه‌را گامه‌يل خواست له‌وه‌ر چاره‌سه‌ر و داوايش له‌ بارزانى كردنه‌ هوير و ڕاى له‌و باوه‌ته‌و بخاده‌ روێ.

FaceIraq
}