مەسعود بارزانی: كەفتن موسڵ هویچ پەیوەندیيگ وە منەو نه‌ێرێ

Category: هــــه‌واڵ كــوردى

Date: 2015-05-28T15:13:12+0000
شوان تەها، پەرلەمانتار كورد لەپەرلەمان عێراق، ئاماژە وەوەدا: لەكۆبونەوەیان وه‌ل سەركردایەتی كورد، مەسعود بارزانی وتگە، جوواو پرسیارەیل لیژنەێ لێكۆڵینەوە لەكەفتن موسڵ نيه‌ێدەو.

ئەو پەرلەمانتارە وتیش: بارزانی ئاماژە وەوەداس، ك ئەو دوير و نزیك هویچ پەیوەندیيگ وە كەفتن شار موسڵەو نه‌ێرێ.

وەگوره‌ێ قسه‌يل شوان تەها: سەرۆك هەرێم كوردستان ئاماژە وەوەيشداس ك ئەو دگان وەو لیژنەيا نيه‌نه‌نێد ك وە ئەجێندای سیاسی دروسكرياس و تواێد تۆمەت كەفتن موسڵ بيەنە لێ، ئه‌ڕا ئەوەگ لایەنەیل دەسەڵات لەبەغدا ڕازی بكەن.

وه‌رجله‌يه‌، لیژنەێ لێكۆڵینەوە لەكەفتن موسڵ، لەسەر ئەو كەیسە پرسیار ئاراستەێ هەریەكە لە (مەسعود بارزانی) سەرۆك هەرێم و (نوری مالكی) و (ئوسامە نوجێفی) جێگره‌یل سەرۆك كۆمار عێراق كردويد.