2019-05-23 09:18:28

شه‌فه‌ق نيوز/ مه‌كته‌ب سياسى پارت ديموكرات كوردستان، وه‌ تونى ره‌خنه‌ گرت له‌ ده‌سگيركردن نه‌جمه‌دين كه‌ريم پاريزگار لاورياێ كه‌ركوك له‌لايه‌ن حكومه‌ت ناوه‌نديه‌و له‌ به‌يروت پايته‌خت لوبنان و ده‌خت له‌وه‌ كرد هه‌ر يه‌ك له‌ مه‌سعود بارزانى سه‌رۆك پارته‌گه‌و نێچيروان بارزانى سه‌رۆك وه‌زيره‌يل هه‌رێم كوردستان هه‌وڵه‌يل فريه‌يگ ئه‌يه‌ن ئه‌را ئازادكردنى.  

 

له‌و باوه‌ته‌و، فازڵ ميرانى وه‌رپرس مه‌كته‌ب سياسى پارت ديموكرات كوردستان له‌ لێدوانيگ ئه‌را ئێزگه‌ى ده‌نگ ئه‌مريكا- به‌ش كوردێ، وت: هويچ ده‌سپيچگييگ ئه‌را ده‌سگيركردن نه‌جمه‌دين كه‌يم نيه‌و ئويشن وه‌ بوونه‌ى مه‌سه‌له‌ى گه‌ناته‌كارييه‌و ده‌سگير كرياگه‌و مادام له‌يواسه‌ بايه‌سه‌ حكومه‌ت عراقى گشت وه‌رپرسه‌يل وه‌رين ده‌سگير بكا ك تومه‌ت وه‌ گه‌ناته‌كارى كريانه‌. ئاماژه‌ وه‌يه‌يش كرد ئه‌گه‌ر تاوانى راپرسى و به‌رزه‌وكردن ئاڵاى كوردستان بدێ، ئه‌وه‌ گشت كورد بايه‌سه‌ تاوانبار بويمن و بيلا ئيمه‌يش ده‌سگير بكه‌ن.

 

جى باسه‌، ميرانى هه‌ميش وت: سه‌رۆك بارزانى و نێچيروان بارزانى ده‌خاڵه‌ت له‌ى كاره‌ كردنه‌و هه‌وڵه‌يل ناوخوه‌يى و دبلۆماسييان فريه‌وه‌ كردنه‌ له‌وه‌ ئازادكردن نه‌جمه‌دين كه‌ريم و وه‌رگرى له‌لى و له‌ هه‌ر كورديگ تر ئه‌ركمانه‌.

FaceIraq
}