2019-07-30 19:54:25

شه‌فه‌ق نيوز/ وه‌ريه‌وبه‌ر پۆليس هه‌ولێر پايته‌خت هه‌رێم كوردستان، ئاشكراى ئه‌وه‌ كرد پرووژه‌ى داناين په‌نج هه‌زار كاميراى چه‌وديرى له‌ شوونه‌يل گشتى چيه‌سه‌ بوار جيوه‌جيكردن و يه‌يش ده‌رخست ك بارودوخ ئه‌منى له‌ هه‌ولێر ئه‌كه‌فێده‌ ژير كاميراى پڕ دقه‌تيگه‌و له‌لايه‌ن ناوه‌ند كۆنترۆڵكردن.

 

له‌و باوه‌ته‌و، عه‌بدولخالق ته‌ڵعه‌ت له‌ لێدوانيگ رووژنامه‌گه‌رى وت: له‌ساڵ 2014 بڕيار داناين په‌نج هه‌زار كاميرا دريا له‌شوونه‌يل گشتى ئه‌را چه‌وديرى بارودوخه‌گه‌، وه‌لێ له‌وه‌ر جه‌نگ داعش و قه‌يران دارايى ئه‌و پرووسه‌ دويا خريا.

 

ته‌ڵعه‌ت يه‌يش ده‌رخست ك له‌حاڵ حازر بودجه‌يگ تايبه‌ت ئه‌را پرووسه‌گه‌ ته‌رخان كرياگه‌و ده‌س كرياسه‌ كار ئه‌را جێوه‌جيكردنى و ئه‌و كاميرايه‌يليشه‌ له‌گشت شوونه‌يل گشتى دامه‌زريه‌ێد.

YesIraq
}