2019-07-11 15:41:57

شه‌فه‌ق نيوز/ په‌رله‌مان كوردستان ئه‌و بۆردومان ئيران ئدانه‌ كرد ك له‌تى ناحيه‌ى سيده‌كان له‌ پارێزگاى هه‌ولێر گرته‌ ئامانج و بويه‌ هووكار كوشيان و زه‌خمداركردن چه‌ن هاووڵاتييگ و داوايش له‌ حزبه‌يل ئۆپۆزسيۆن كوردستانى له‌ ئيران و توركيا كرد واز له‌ چالاكيه‌يل سه‌ربازييان بارن له‌ هه‌رێم.

 

له‌و باوه‌ته‌و، هێمن هه‌ورامى جيگر سه‌رۆك په‌رله‌مان له‌ دانيشتنيگ وت: تووپخانه‌يل ئيرانى ناوچه‌ى سيده‌كان گرتنه‌سه‌ ئامانج و بويه‌سه‌ هووكار كوشيان دويه‌تيگ و زه‌خمداركردن برايگى.

 

جى باسه‌، هه‌ورامى هه‌ميش وت: هه‌ر كرده‌وه‌يگ له‌ گرووپ و حزبه‌يل چه‌كدار ره‌ته‌و ئه‌كه‌يم ك خاكه‌يل هه‌رێم كوردستان بگرێده‌ ئامانج و كرده‌وه‌يليگ چه‌كدارى دژ ده‌وڵه‌ته‌يل هاوسا له‌تيه‌و ئه‌نجام بدريه‌ێد و  بدێده‌ هووكار كوشتن هاووڵاتيه‌يل.

YesIraq
}