په‌رله‌مان كوردستان : وه‌ل داعش گوفتوگو ناكه‌یم

Category: هــــه‌واڵ كــوردى

Date: 2015-05-31T14:23:02+0000

قادر عوسمان ئه‌ندام لوجنه‌ێ پێشمه‌رگه‌ له‌ په‌رله‌مان كوردستان وه‌شه‌فه‌ق نیوز وتگه‌ : یه‌كێگ له‌ پێشمه‌رگه‌یل دیل ك له‌ نزیك كه‌ركوك له‌ لاێه‌ن چه‌كداره‌یل داعشه‌وه‌ وه‌دیل گیریاگه‌ ، توێه‌نستگه‌ په‌یوه‌ندی بكاده‌ خانه‌واده‌ێ و ئه‌لیان خواستگه‌ فشار بێه‌رنه‌ مل حكومه‌ت و پێشمه‌رگه‌ تا ئازاد بكریه‌ن.
زیاتر وتگه‌ : وه‌گوره‌ێ زانیاریه‌یل ، په‌یوه‌ندیه‌گه‌ وه‌هاوكاری هوزه‌ عه‌ره‌به‌گان كه‌ركوك ئه‌نجام گردگه‌ ، وه‌لێ تائیسه‌ نه‌زانریاگه‌ ك تروریسته‌یل له‌ وه‌راوه‌ر ئازاد كردن پێشمه‌رگه‌یل دیل چێ ئه‌خوازن.  
له‌ درێژه‌ێ قسیه‌یله‌ێ وتگه‌ : ئیمنه‌ له‌ په‌رله‌مان كوردستان ره‌تێ ئه‌كه‌یمه‌و ك حكومه‌ت هه‌رێم وه‌ل ڕێكخراوێگ تروریستی گوفتوگو بكا ، له‌وه‌ر ئه‌وه‌گ ئه‌و ڕێكخراوه‌ جی متمانه‌ نییه‌ و ناخوازیم درانه‌ێ گوفتوگو وه‌لیا واز بكه‌یم.  
چه‌كداره‌یل تروریستی داعش له‌ێ دویاخره‌ زیاتر له‌ 25 پێشمه‌رگه‌ له‌ جه‌نگ نزیك كه‌ركوك وه‌دیل گرتنه‌  و چه‌ن جارێگ له‌ گرته‌ ڤیدیوییه‌گان نیشانیان دانه‌ ك وه‌ناو شار حه‌ویجه‌ گڕیان دانه‌.
ج ك