2019-05-06 22:39:26

شه‌فه‌ق نيوز/ لەهەيشتەمین كۆنگرەی ساڵانەی فەیسبوك بڕیاردريا چەن ئاڵشتكارى گه‌ورايگ له‌ شيوه‌و تايبه‌تمه‌نديه‌يل ئه‌و تووڕ كۆمه‌ڵايه‌تيه‌ بكريه‌ێد و ئامانجيش له‌لى فه‌راهه‌مكردن ژينگه‌يگه‌ ئه‌را له‌يه‌كنزيكه‌وكردن زياتر وه‌كاربه‌ره‌يل له‌ يه‌كترى.  

 

له‌و باوه‌ته‌و, مارك زوگەربێرگ، وەڕيه‌وبه‌ر جيوه‌جيكار كۆمپانیای فەیسبوك ئاشكرای كردگە ك دووبارە دیزاینكردنەوەی فەیسبوك ئه‌دێده‌ يه‌كيگ لە دیارترین ئاڵشتكاريه‌يل وه‌ جووريگ دى ره‌نگ كه‌و له‌بان روخسار ئه‌و تووڕ كۆمه‌لايه‌تيه‌ زاڵ نادێ.  

 

وه‌قسه‌ى زوكه‌ربێرگ, ديزاين لۆگۆى فه‌يسبوك ئه‌را مۆبايل وه‌ ره‌نگ كه‌و نامينێد و چوارچيوه‌ى لۆگۆگه‌ ئه‌دێده‌ ره‌نگ چه‌رمگ و له‌ وه‌كارهاوردنيش زياتر گرنگى وه‌ پۆست و چالاكيه‌يل ئه‌و كه‌سه‌يله‌ ئه‌ياد ك ئه‌ندام گرووپه‌يلن.

 

وتگيشه‌، له‌ ديزاينه‌ تازه‌گه‌ى فه‌يسبوك بان مۆبايل, زياتر پۆست گرووپه‌يل ئه‌ياده‌ بان شاشه‌ى ئه‌ندامه‌يل ئه‌و گرووپه‌يله‌، ئه‌ويش له‌وه‌ر ئه‌وه‌گ تا بتويه‌نن ئه‌وه‌گ ئه‌خوازنه‌ى ئه‌را يه‌كترى بنويسن و پۆسته‌يل يه‌كترى بوينن، ك يه‌يش له‌يوا ئه‌كا ئه‌وه‌گ له‌ گرووپه‌يل ئه‌نويسريه‌ێد، وه‌كاربه‌ره‌يل تر نه‌دويننه‌ى ئه‌گه‌ر ئه‌ندام ئه‌و گرووپه‌يله‌ نه‌ون.

FaceIraq
}