2019-08-14 19:50:31

شه‌فه‌ق نيوز/ بڕيگ له‌ راپۆرته‌يل رووژنامه‌گه‌رى جه‌هانى باس له‌وه‌ ئه‌كه‌ن ك كۆمپانیای "شاومی" چینی، پلان ئه‌وه‌ ديرێد يه‌كه‌م مۆبايل له‌ جه‌هان بارێده‌ به‌رهه‌م ك هويچ وه‌ختيگ هه‌وه‌جه‌ وه‌ شه‌حنكردن نه‌كا.

 

له‌و باوه‌ته‌و،  ماڵپه‌ڕ تەكنیكی "ئەندرۆید ئۆسۆرتی" ئاشكرای كردگه‌، ك كۆمپانیای شاومی "ماف خاوەندارییەتی" مۆبایل تازه‌يگ وه‌ده‌سهاوردگه‌ ك ئه‌ديده‌ يه‌كه‌م مۆبايل له‌ جه‌هان و هه‌وه‌جه‌ وه‌ شه‌حنكردن  ناكا.    

 

ماڵپه‌ڕه‌گه‌ ئاشكراى كردگه‌، مۆبايله‌گه‌ چه‌ن پيليتيگ وه‌رگر وزه‌ى خوه‌ر ديرێد و وه‌هويچ شيوه‌يگ ناچار وه‌كاربه‌ره‌گه‌ێ ناكا په‌نا ئه‌را شه‌حنكردنى بوه‌ێد بيجگه‌ ئه‌وه‌گ ك شاشه‌يگ ديرێد وزه‌ى كه‌متر ئه‌خوازێد و ماوى كاركردنى زياتر ئه‌كاو كاميراگه‌يشى نه‌دوينرياێ ئه‌دێ و له‌ژير شاشه‌ى مۆبايله‌ شارياسه‌و.

 

جى باسه‌، كۆمپانيا چينيه‌گه‌ يه‌يش ده‌رخستگه‌ وه‌ى نزيكه‌يله‌ ئه‌و مۆبايله‌ ئاماده‌ ئه‌دێ تا له‌ بازاڕه‌يل جه‌هان نمايش بكريه‌ێد.

 

FaceIraq
}