2019-05-11 13:17:11

شه‌فه‌ق نيوز/ زوورم مه‌ردم له‌ جه‌هان، هه‌ميشه‌ يه‌كه‌م وشه‌يگ له‌ باره‌ى سه‌عاته‌و، رۆڵێكس ئه‌يه‌رنه‌ ناو باس و باوه‌ڕيان ئه‌وه‌سه‌ ئى ماركه‌ى بازرگانيه‌ له‌ جوور سه‌عات زياتر په‌سه‌نه‌ ك كه‌سايه‌تيه‌يل ناودار له‌ جه‌هان ئه‌كه‌نه‌ێ ده‌س.

تائيسه‌ گرانترين سه‌عات رۆڵێكس ك فروشياگه‌ وه‌ زياتر له‌ 17 مليۆن دۆلار بوێ، يه‌يش له‌وه‌ختيگ نرخ سه‌عات ميكانيكى رۆڵێكس له‌ نزيكه‌ى 3250 جونه‌ى ئه‌سته‌رلينى(4,200 دۆلار) ده‌س وه‌پى ئه‌كا، وه‌لێ سه‌عاته‌گه‌ێ جه‌ميس بۆند نزيكه‌ى 500 جونه‌ى ئه‌سته‌رلينيه‌(6,465 دۆلار)ه‌، يه‌يش بيجگه‌ سه‌عاته‌يل تر ك نرخيان به‌رزتره‌.

كۆمپانياى هانس ويلزدۆرف له‌ له‌نده‌ن دامه‌زريا، له‌و وه‌خته‌يليشه‌ سه‌عاته‌يل ده‌سى ئه‌وه‌نه‌ وه‌ دقه‌ت نه‌وێ، ئمجا هانس هوير له‌وه‌ كرد سه‌عاتيگ دروس بكا نه‌ك هه‌ر ته‌نيا دقه‌ت داشتوود، به‌ڵكوو جوانيش بدێ، ئه‌وه‌ بوێ روێ له‌ سويسرا كرد ئه‌را جيوازركردن باره‌گاى دروسكردن سه‌عات ده‌سى و ناو رۆڵێكس هه‌ڵوژان و دى له‌و وه‌خته‌و گرنگى وه‌و جووره‌ سه‌عاته‌ درياو له‌ ساڵ 1910يش سه‌عات رۆڵێكس باوه‌ڕنامه‌ى دقه‌ت سويسرى وه‌رگرت له‌لايه‌ن ناوه‌ندن مه‌زه‌نه‌كردن فه‌رمى سه‌عاته‌يل و دوياى ئه‌وه‌يش چه‌نه‌ها باوه‌ڕنامه‌يل تر به‌رز وه‌رگرت له‌ بوار خاسى له‌ جوورايه‌تى سه‌عات و هه‌ر له‌و وه‌خته‌و تائيسه‌ ناودارى په‌يا كرد و نرخه‌گه‌ى گرانه‌.

}