2019-02-10 18:45:00

شه‌فه‌ق نيوز/ ريكخستن وه‌رفراوان كۆمه‌ڵگايى ك خوه‌مان له‌وه‌رده‌م يه‌ك بژارده‌ وه‌رانوه‌رى دوينيم ك يه‌يش ره‌فتار شيوازيه،‌ پشت وه‌ دامه‌زرانن و مه‌شق و په‌ره‌داين سه‌ركرده‌يل كۆمه‌ڵگايى ئه‌وه‌سێد وه‌ل دروسكردن سه‌ركرده‌يليگ ك تواناى كار وه‌يه‌كه‌و ديرن ئه‌را خزمه‌ت ئامانجه‌ گه‌ورا هاوبه‌شه‌گه‌ى له‌ ريكخستن كۆمه‌ڵگايى فه‌يلى ك هه‌وڵ ئه‌راێ ئه‌يه‌يم و له‌ده‌ور تواناى بنه‌ماى كۆمه‌ڵگايى فه‌يلى ده‌وران ئه‌كا له‌ تواناوه‌ ئه‌را جيوه‌جيكردن ئامانجه‌يل ك يه‌يش ئاسوويگ سياسى هه‌ڵگرتگه‌، وه‌لێ ئاسوويگ له‌ده‌ورگرد هاوبه‌شيه‌يل گشتى فه‌يليه‌يل گه‌ردێد وه‌بى چگن وه‌ناو شيوازه‌يل ئايدۆلۆجى و ئنتمايه‌يل سياسى ك تاكه‌يل تواناى مقه‌يه‌تيكردنى ديرن ك ماف ئه‌وه‌ وه‌پيان دريه‌ێد وه‌لاى كه‌مه‌و له‌ قوناغ بنياتناين.

 

ريكخستن كۆمه‌ڵگايى فه‌يلى، ك بايه‌سه‌ وه‌شيوه‌يگ ريك وپيك دامه‌زريه‌ێد، بايه‌سه‌ ته‌نيا وه‌ دوينستنه‌ه‌وه‌ى چاره‌سه‌ر ئه‌را ئى كيشه‌ يا كيشه‌يگ تر نه‌وسيه‌ێد، به‌ڵكوو بايه‌سه‌ گڕ بخواده‌ ده‌ور ئه‌و چشته‌گ ناڵنن وه‌پيه‌و ئه‌را چاره‌سه‌ر كيشه‌يل ديارتر له‌ چوارچێوه‌ى يه‌كگرتگ تا بتويه‌نن خويان بووه‌نه‌ ڕييه‌وه‌و داهات وه‌رده‌سيان وه‌شيوه‌يگ خودى بخه‌نه‌ كار، ك وه‌يه‌يش چاره‌سه‌ر كيشه‌ گه‌وراگه‌ ئه‌كه‌فێده‌ وه‌رده‌س.

 

وه‌ل حورمه‌تيگ ئه‌را گشت تاك و كۆمه‌ڵه‌يل فه‌يلى ك هه‌ڵسيانه‌ وه‌ هه‌وڵدان، ئه‌وان ئه‌هل كيشه‌گه‌و خاوه‌نين، نه‌ك چينيگ سياسى فشاردرياێ يا دوينه‌ر كيشه‌گه‌، دوياخريش سه‌ركردايه‌تى له‌ داستانه‌يل خاوه‌ن كيشه‌گه‌وه‌ سه‌رچه‌وه‌ ئه‌گرێدو كار و پابه‌ندبوين وه‌پيه‌و ئه‌كا.

ئمجا وه‌ل ئه‌وه‌يشا كيشانن سه‌ركردايه‌تيه‌يليگ له‌ ده‌يشت خاوه‌ن كيشه‌گه‌وه‌ هان نايه‌يم مه‌گه‌ر له‌وه‌ر خاتر پشتگيرى و رينمايى ئه‌را نه‌فوه‌رگرتن له‌ شاره‌زايى له‌وه‌ر كردنه‌وه‌ى گريه‌ێ چويچيان ك جى داخه‌ ئمڕوو فه‌يليه‌يل له‌تى ژيه‌ن.

 

ريكخستن كۆمه‌ڵگايى فه‌يلى، بڕيگ له‌ چالاكيه‌يل فه‌يلى پيك ئه‌يه‌رێد، وه‌لێ له‌چوارچێوه‌ى يه‌كگرتگى(سه‌رۆك هووزه‌يل، سه‌ركرده‌يل سياسى، خوه‌ندكاره‌يل، جايه‌ڵ جوانه‌يل، ژنه‌يل، بازرگان و كاسبكار، كار وپيشه‌، شاره‌زايى ئدارى و ئه‌كاديمى، جيهادكاره‌يل و سه‌رباز و پياوه‌يل ئاسايش)، ك گوزارش له‌ ديد وه‌جه‌م فه‌يلى ئه‌كا ئه‌را چاره‌سه‌ريگ ك بايه‌سه‌ ئه‌نجام بگرێد و بايه‌سه‌ مقه‌يه‌تى له‌ ناسنامه‌و كيشه‌گه‌ێ بكريه‌ێد ك ساڵه‌يل فره‌يگ وه‌پى چيه‌.

عه‌بدولخالق ئه‌لفه‌لاح

YesIraq