2019-05-04 21:49:41

سوبحى ساڵه‌يى/ مه‌ردمانيگ وه‌ تايبه‌ت ئه‌وانه‌گ جاڕسن له‌ى بارودوخ ئيسه‌ له‌ عراق باوه‌ڕيان ئه‌وه‌سه‌ جياوازى ناونى ئيسه‌ى عراق كه‌مه‌ وه‌ل عراق ئه‌وساى سه‌رده‌م سه‌دام و عراق ئيسه‌ هه‌وه‌جه‌ وه‌ ئازادكردن دويه‌م ديرێد يا پرووسه‌يگ ته‌واوكه‌ر ئازادكردن يه‌كه‌م.

 

ئيمه‌ ئه‌گه‌ر بايم و ته‌ماشاى هه‌ڵكه‌فت ئيسه‌ى عراق بكه‌يم ك له‌ قه‌يرانه‌يليگ كه‌ڵه‌كه‌بوێ ژيه‌ێد و جيايى ناونيان زه‌حمه‌ته‌, ئى باوه‌ڕه‌ وه‌ دروس دانريه‌ێد, يا له‌ڕوێ نه‌وين ئه‌مان و سه‌قامگيرى له‌ ناوچه‌يل فريه‌يگ و نه‌وين چاره‌سه‌ره‌يل نيشتمانى ئه‌را كيشه‌يل و جيوه‌جى نه‌كردن ده‌ستوور عراق و نه‌وين شه‌فافيه‌ت و بنياتناين و ئاوه‌دانكردن و كه‌ميى خزمه‌تگوزارى ك پيشكه‌ش وه‌ هاووڵاتيه‌يل ئه‌كريه‌ێد له‌گشت بواره‌يل و شكه‌ست ئه‌زموون ديموكراسى.

 

وه‌لێ ئه‌گه‌ر وه‌ باوه‌تيانه‌و بى لايه‌نييه‌و ته‌ماشاى هه‌ڵكه‌فت ئيسه‌ بكه‌يم، دوينيم ك راسيه‌يل فريه‌يگ له‌ واقع ده‌رخه‌ێد، چوينكه‌ ئه‌و ئاڵشتكاريه‌ ك روێدا چشته‌يل فريه‌يگ ئاڵشت كرد.

 

له‌ سه‌رده‌م سه‌دام به‌عس و ده‌زگايه‌يل ژير وه‌ژير و ئاشكراى ئه‌منى ته‌نيا روخساريگ نيشان ديان ئه‌را وجوود ده‌سڵات فه‌رمانڕه‌وا، ئه‌ويش وه‌گوورى ئه‌و به‌رژه‌وه‌نديه‌ ك وه‌گووره‌ى دامه‌زرياو مه‌شق سياسه‌ت و وه‌رده‌وامى و بته‌وكردن حوكم سته‌مكارى وه‌ئاگر و ئاسن و پيلانكارى كردياد. وه‌لێ زه‌ره‌دمه‌نه‌يل و كه‌رته‌يل فراوانيگ له‌ رووڵه‌يل ملله‌ت عراقى ئاماده‌ بوين ئه‌را قه‌بولكردن وجوود بيگانه‌و رينمايه‌يليان له‌بانيان وه‌و مه‌رجه‌گ قورتاريان بكا له‌ سه‌دام رژيمه‌گه‌ێ وه‌بى نوڕستن ئه‌را ناسنامه‌و ئامانجه‌يلێ. ك ئه‌وسايش په‌يوه‌ندى ناونى پيكهاته‌يل عراقى له‌ئيسه‌ بته‌وتر بوێ، ئمجا هه‌ناى ك پيشوازييش له‌ ئه‌مريكيه‌يل كردن ئه‌را ئازدكردن وڵاته‌گه‌يان، تواسن تواناى خه‌بات سياسى خوه‌يان ده‌ربخه‌ن وه‌ نه‌فوه‌رگرتن له‌و بارودوخ دوياى ئازادكردن و زوڵمه‌يل و قوربانيداين فريه‌يليانه‌، دى ئه‌وسايش ژاوژوو ئۆپۆزسيۆن كه‌م ژنه‌فتيايم.

 

دوياى ئازادكرنيش سياسيه‌يل نه‌خشه‌يگ مه‌لحه‌مى كيشان و ئاموژگارى كه‌سه‌يل تر كردن ك خوه‌يان و حزبه‌يليان سه‌رچه‌وه‌ى شه‌رعيه‌ت و هاوسه‌نگ ئنفتاح و دامه‌زرانن حزبه‌يل تازه‌و فريه‌يى و جيابوينه‌وه‌ى حزبى و كه‌ميگ له‌ ديموكراسى و هه‌ڵوژاردنه‌يل ناچارى وه‌ ده‌س له‌كاركيشانه‌وه‌ ئه‌كا، وه‌ل جه‌نگ مه‌زه‌وى ك به‌رپا بوێ و روێداگه‌يلى و چگن فريه‌يگ له‌ سياسيه‌يل له‌ باوه‌ش هه‌واڵگيريه‌يل هه‌رێمى و ناوده‌وڵه‌تى و په‌يوه‌ندى قويليان وه‌لياناو هاوردن گه‌ناته‌كارى و شاردنه‌وه‌ى هووكاره‌يل و خيانه‌تكردن و ناوزڕانن و لادان و خراوه‌كارى، ك ئه‌و روێداگه‌يله‌ وه‌شيوه‌يگ گشتى بويه‌ هووكار چويچانن رزه‌يل و شيوانن ئامانجه‌يل و له‌ده‌سداين متمانه‌و يه‌كگرتن و كزه‌وبوين په‌يوه‌سبوين ناونى سياسيه‌يل له‌ناونى خوه‌يان و له‌ناونى پيكهاته‌يل و بويه‌ لاداين ئه‌خلاقى و سياسى و ياسايى و باوه‌ڕه‌يل جياجيا.

 

يه‌يش بيجگه‌ مه‌ندنه‌وه‌ى گرنگى ئه‌و كاره‌يله‌ له‌لاى مه‌ردم ك پيكهات له‌ گه‌ردين له‌شوون ئه‌من و ئه‌مان و نزيكه‌وبوين له‌ بارودوخ گوزران و بيكارى و فه‌قيرى و نه‌دارى و په‌ند وه‌رنه‌گرتن له‌ گوزه‌يشته‌، يه‌يش ماناى ئه‌وه‌سه‌ هويچ له‌يه‌كچگنيگ له‌ناونى دويه‌كه‌و ئمڕوو له‌ عراق نيه‌ مه‌گه‌ر چشت كه‌ميگ، ته‌نانه‌ت سزايه‌يل هاوبه‌شيش كه‌متر به‌شدارى له‌ناونى هه‌ردوگ بارودوخ و له‌ناونى دو رووڵه‌ى شاريگ و يه‌ك نه‌ته‌وه‌ ك هه‌رچه‌نى سه‌ر وه‌ يه‌ك حزب و يه‌ك مه‌زه‌ويش بوون.

 

ئه‌يه‌ وه‌گشتى، دوير له‌ ده‌خاڵه‌تكردن له‌ بڕيگ باس وخواس، ماناى ك هيز و كه‌سه‌يل قه‌يراناوى ك سووكايه‌تى وه‌ ملله‌ت و ده‌ستوور كردن و جوور دريغيكه‌ر مامڵه‌ وه‌ل كه‌سه‌يل تر كرديان ئه‌وانه‌ وه‌رپرسن له‌ خراوبوين بارودوخ ئيسه‌، وه‌لێ هاووڵاتى ئاگاداره‌ له‌وه‌گ چاره‌سه‌ر وه‌ل ئاڵشتكارى تازه‌ ئه‌ياد و قه‌وڵ(ئازادكردن دويه‌م)تاريف ته‌واو خاستريگه‌ ئه‌را ده‌رخست روخساره‌يل دريغى و كه‌متوانايى له‌ شيوازه‌يل حوكم و ده‌سوه‌پيكردن له‌ تواناى له‌بان كاريگه‌رى و ئالشتكارى و خستنه‌ڕوێ فكر و به‌رنامه‌يل مه‌رامدار ئه‌را هه‌ڵسيانه‌وه‌ له‌ واقع و رێخوه‌شكردن ئه‌را تاووتوێكردن قه‌يرانه‌يل يه‌ك له‌شوون يه‌ك له‌ ديدارگه‌ و ژوانگه‌يل پڕ له‌ تاووتويكارى و مشتومڕ باوه‌تى بنياتنرياێ له‌بان وه‌رگرتن داوايه‌يل مه‌ردمى و راسيه‌يل مه‌يدانى و زانستى. ئمجا(ئازادكردن دويه‌م)وه‌ تايبه‌ت له‌لاى گه‌شبينه‌يل ماناى وازكردن قاپى نيه‌ له‌وه‌رده‌م هيز ئزادكه‌ر بيگانه‌ يا هيزيگ داگيركه‌ر تازه‌ يا بردن وڵاته‌گه‌ وه‌ناو روێداگه‌يل تازه‌يگ، به‌ڵكوو ماناى له‌وه‌رگرتن زنجيره‌ هه‌ڵويسته‌يليگ يه‌كلاكه‌ره‌.

YesIraq
}