2019-05-15 20:05:22

ئه‌سير ئه‌لشه‌رع/ هويچ كه‌سيگ ناتويه‌نێد قه‌واره‌ى ئه‌و كاولكاريه‌ ده‌سنيشان بكا ك روێ ئه‌ياد له‌گشت ناوچه‌گه‌، له‌ حاڵه‌تيگ ك تره‌مپ موغامره‌ كرد و ده‌سكرده‌ به‌رپاكردن شه‌راره‌ى جه‌نگ وه‌ل گرووپه‌يل مقاومه‌ى ئسلامى له‌ عراق و لوبنان و يه‌مه‌ن و ته‌نانه‌ت سوريايش، ك وه‌ گووره‌ى باوه‌ڕ ئى قسه‌يل زيايكه‌ر گرژێ ئى دوياخريشه‌ وه‌ل هاتن بارجه‌يل و ته‌ياره‌ هه‌ڵگره‌يل ئه‌را خوه‌رهه‌ڵات ناوين، چشتيگ نيه‌ بيجگه‌(نمايشيگ ره‌ساننكارانه‌)و نه‌بايه‌د ئيرانيه‌يل يا گرووپه‌يل مقاومه‌ رخه‌و بووه‌ێد.

 

هيمان تائيسه‌ قوناغ روێ وه‌ڕوێ بونه‌وه‌ى سه‌ربازى له‌ ناوچه‌ى كه‌نداو عه‌ره‌بى و خوه‌رهه‌ڵات ناوين په‌ره‌ وه‌خوه‌يه‌و نه‌يه‌، ئه‌ويش وه‌ بوونه‌ى به‌سبوين هيزه‌يل وه‌شه‌ڕهاتگ و كه‌فتنه‌وه‌ى محوه‌ره‌يل تازه‌ ك زه‌ره‌د ئه‌ياده‌ به‌رژه‌وه‌نديه‌يل ئابووريى.

 

ئه‌و ده‌وڵه‌ته‌يله‌ ك له‌بان نه‌فت ئيران ژيه‌ن، ناتويه‌نن ده‌س له‌ سه‌رچه‌وه‌ى خوه‌راكيان هه‌ڵگرن، ته‌نيا مه‌گه‌ر له‌ حاڵه‌ت وه‌ديكردن چاره‌سه‌ر و سه‌رچه‌مانن له‌ وڵاته‌يل يه‌كگرتگه‌و ك مه‌گه‌ر ئه‌وسا بڕيگ له‌ ده‌وڵه‌ته‌يل روێ له‌ سه‌رچه‌وه‌يل تر نه‌فتى جوور عراق بكه‌ن، له‌يرايش له‌ حاڵه‌تيگ ئه‌گه‌ر عراقيش ره‌تيه‌و كرد قه‌ره‌بوو نه‌فت ئيران و زياى به‌رهه‌مه‌گه‌ى بكا ئه‌وه‌ عراق له‌ى حاڵه‌ته‌ وه‌ى تويش سزايه‌يل ئه‌مريكى ئه‌يه‌رێد و ئه‌ڕه‌سيده‌ شكه‌ست پرووسه‌ى سياسى وه‌ بوونه‌ى ئه‌وه‌گ زوورم سياسيه‌يل عراقى شاره‌زايى خاس دبلۆماسى ئه‌را مامڵه‌كردن وه‌ ل قه‌يرانه‌يل نه‌يرن.

 

يه‌يش كيشمه‌كيش مه‌ترسيداريگه‌ روێ له‌ ئاسوو ئه‌كا، وه‌لێ نه‌ك له‌ ئيران، به‌ڵكوو له‌ عراق، ئه‌ويش وه‌ بوونه‌ى ناكووكى و ناته‌بايى فريه‌يگ و مكوڕبوين له‌بان به‌شبه‌شايه‌تى و سه‌ركه‌فتن وه‌ غه‌نيمه‌ت دوير له‌ به‌رژه‌وه‌ندى ملله‌ت عراقى و هاووڵاتى عراقييش ره‌سيه‌ ئه‌وه‌گ 16 ساڵ گوزه‌يش له‌ ته‌نگى ساڵه‌يليگ بويه‌ ك هاووڵاتى وه‌ حاشا و ناپه‌سه‌نى تاريفى كرد، وه‌ل ئه‌وه‌يشا پيلان و له‌ناوبردن دژه‌يليش له‌هويره‌و ناوه‌يم له‌ ماوه‌ى قوناغ ئاينده‌ وه‌ل جه‌ختكردن له‌ مه‌ندنه‌وه‌ى رژيم سياسى جوورى خوه‌ى.

 

بيگومان نه‌خشه‌ڕێ هاوپه‌يمانێتيه‌يل ئاڵشت ئه‌دێ وه‌ بوونه‌ى وجوود به‌سياگ سياسى ك تواناى دانيشتن و ديداره‌يل نه‌يرن و بتويه‌ن ئاڵشتى بكه‌ن ئه‌را ريككه‌فتن، ك ئه‌گه‌ر ئه‌وه‌يش روێداو هيزه‌يل سياسى عراقى ئاشكراى ريككه‌فتن و چاره‌سه‌ريش كردن، ئه‌وه‌ ريككه‌فتنه‌يله‌ ناته‌واو جى شه‌رمه‌زارێ ئه‌دێ و هه‌ر له‌ يه‌كه‌م گه‌رده‌لويليگه‌و ئه‌ڕميه‌ێد.

 

گشتلايگ گره‌و له‌بان ئه‌وه‌ ئه‌كه‌ن كۆمار ئيران ئسلامى ئه‌دێده‌ تيكه‌يگ ئه‌را وڵاته‌يل يه‌كگرتگ، وه‌لێ ئيمه‌ ئويشيم: چه‌ك پيشكه‌فتگ ئيران و وجوود هاوپه‌يمانى وه‌هيز له‌يوا له‌ تره‌مپ ئه‌كا سه‌دان جار هويره‌و بكا وه‌رجه‌ ئه‌وه‌گ نه‌فامى فشارداين بارێده‌ كار له‌بان دوگمه‌ى مووشه‌كه‌يل و به‌رژه‌وه‌نديه‌يل ئيران بكاده‌ ئامانج، باوه‌ڕمانيش ئه‌وه‌سه‌ په‌لاماره‌يل ئاسمانى ئه‌مريكى - ئسرائيلى بريگ له‌ بنگه‌يل ئيران ئه‌گرنه‌ ئامانج و له‌ناو عراقيش و چه‌ند روێداگيگ گورجيش ئه‌كه‌فێده‌و له‌ ماوه‌ى سى رووژ ئاينده‌، ئه‌ويش له‌وه‌ر مقه‌يه‌تيكردن له‌ تكيان قه‌تره‌ى حورمه‌ت وه‌رجه‌ ئه‌وه‌گ ناوجيوان ده‌خاڵه‌ت بكا ئه‌را دويره‌وخستن شه‌به‌ح جه‌نگ جه‌هاانى ك لايه‌نه‌يليگ گره‌و له‌بانى ئه‌كه‌ن.

YesIraq
}