2019-05-08 21:17:15

سه‌ڵاح مه‌نده‌لاوى/ شانديگ له‌ يه‌مه‌ن باشوور وه‌رجه‌ ئه‌وه‌گ يه‌كه‌و بگرێد وه‌ل يه‌مه‌ن باشوور سه‌ردانيگ كرد و چه‌وێ كه‌فته‌ ماوتسى تونگ سه‌رۆك چينى ك ره‌سمى نرياسه‌ى قه‌ى(يوان)دراو چينى و وتنه‌پى ئيمه‌ باوه‌ڕ وه‌ هوير و ڕايه‌يلد ئه‌كه‌يم و ئه‌خوازيم به‌رمه‌جه‌ى ده‌وڵه‌ته‌گه‌مان بكه‌يم وه‌گووره‌ى هويره‌يل سوشيالستييد، ئمجا جواو سه‌رۆك چينى ئه‌وه‌ بوێ و وت: بايه‌سه‌ چشته‌يليگ رووشنهويرى تايبه‌ت وه‌ خوه‌دان و ناوچه‌گه‌دان ده‌رخه‌ين و بايه‌سه‌ ئه‌وه‌ له‌هويردان نه‌چێد ك ئيوه‌ هاوساى(مه‌ككه‌)ى موسڵمانه‌يلين و  روێ له‌لى ئه‌كه‌ين ئه‌را خوداپه‌رسى نه‌ك هه‌ر ئه‌را عه‌ره‌به‌يل ك شماره‌يان 250 مليۆن كه‌س، به‌ڵكوو ئه‌را گشت موسڵمانه‌يل ك شماره‌يان له‌ مياريگ فيشتره‌، يه‌يش وه‌و مانا ك ئيوه‌ نه‌بايه‌د لێدوان بيه‌ێن و بويشين ئيمه‌ سوشياليستييم، به‌ڵكوو ته‌نانه‌ت بڵاوكرياگه‌يلدانيش ك وه‌ناو كارل ماركس يا وه‌ناو فه‌يله‌سووفه‌يل تر سۆشياليستيه‌و ده‌رئه‌چێد وه‌ناوه‌يليگ تايبه‌ت ناويان ناينه‌، دى وه‌و جووره‌ ماركس وه‌ ( په‌ناى كارگه‌ره‌يل) و ماوتسى تونخ وه‌ په‌ناى جفتياره‌يل ناو نرياو يه‌مه‌ن باشووريش بويه‌ ديدارگه‌يگ ئه‌را پيشوازيكردن پزيشكه‌يل و ئه‌ندازياره‌يل و ته‌ياره‌وانه‌يل عه‌ره‌ب، وه‌لێ تيكه‌ڵبوينى وه‌ل باكوور ئه‌و ستراتيجيه‌ت فكرى يه‌مه‌نه‌ گوم كرد ك نه‌تويه‌نست فكر سوشياليستى هه‌زم بكاو مقه‌يه‌تى له‌ ئاشته‌وايى بكا وه‌ل شانشين عه‌ره‌بى سعودى، يه‌يش وه‌و مانا ك وه‌ پايه‌يلى ته‌ماشا كردياد و گووش وه‌ مه‌لا عه‌لى نه‌يا)و ئه‌و فكره‌ى تيكه‌ڵ ئسلاميه‌ يه‌مه‌ن وه‌ باكوور و باشووريه‌و له‌رێ سوپا حوسيه‌يل داگير كرد ك فكره‌ى هاوبه‌شى له‌تى سويڕ خوارد وه‌ل مادده‌يل هووشبه‌ر و له‌ڕێ ئدمانه‌و نه‌ف وه‌رگرتن له‌و حاڵه‌ته‌ له‌وه‌ر نيشانداين سه‌ختيه‌يل فريه‌يگ وه‌پيان و ئيسه‌يش دوينيم بيده‌سڵاتن وه‌رانوه‌ر هاوپه‌يمان ناوده‌وڵه‌تى ك ته‌نانه‌ت قارمانيگ نه‌ته‌وه‌يى كورديش وه‌رانوه‌ريان سمود نه‌كرد و ده‌سگير كريا و خريا دويرگه‌يگ و گشت نه‌يته‌يليگ مافه‌يل ئاده‌ميزاد له‌لى بڕين.

 

يه‌يش ماناى ئه‌وه‌سه‌ ئه‌ى هاوسا وه‌ل تن ئويشم و بژنه‌فه‌م، ئيمه‌ له‌هويرمان ناچێد ك هاوساێ كۆمار ئسلامييم و له‌ يه‌كگرتنه‌وه‌ى ريكخستنه‌يلمان ده‌سوه‌پى كرديمنه‌ له‌بان تاكه‌يل مه‌زه‌وى ك خوسه‌ى له‌ فكره‌يل مه‌زه‌وى نايه‌ێد له‌ دين و دوياى ئه‌وه‌يش دين ئسلام دينيگ كۆمه‌لايه‌تيه‌ و ئه‌چێده‌ ره‌فتار ئاده‌ميزاد هه‌ر له‌ چه‌و وازكردنى و چگنى وه‌ حه‌مام تا سه‌ر ناينى وه‌بان باڵين، ك ئه‌ويش وه‌بوونه‌ى شوره‌ت خراو بڕيگ له‌ ده‌وڵه‌ته‌يل جه‌هان ك گرنگى وه‌ ژانه‌يل لاوه‌كى نايه‌ن ئه‌را جموجويل سياسى كوردستانى جوور نموونه‌ وه‌ك ئه‌وه‌گ بڕيگ له‌ هاووڵاتيه‌يلمان ئه‌نجامى ئه‌يه‌ن له‌ په‌يوه‌سبوين خوه‌يان وه‌ ده‌وڵه‌ته‌يل كويه‌ن له‌ڕوێ جه‌هان سياسه‌ت و ژيارييه‌و ك دگان وه‌ بشيوى و ساخته‌كارى هه‌ڵوژاردنه‌يل شاره‌وانى نا له‌ پايته‌خته‌گه‌ێ.

YesIraq