دهۆک.. شار ئارامی و پێکەوەژیان لە یاد دامەزراننی داوای گرنگی وەپیدان کەێد

Category: ڕاپــۆرت

Date: 2020-05-29T21:28:00+0000
دهۆک.. شار ئارامی و پێکەوەژیان لە یاد دامەزراننی داوای گرنگی وەپیدان کەێد

دهۆک.. شار ئارامی و پێکەوەژیان لە یاد دامەزراننی داوای گرنگی وەپیدان کەێد
شەفەق نیوز/ دروس بوین شارو ناوچەگان هەمیشە، سەرچەوەیگ ئەرا کۆمەڵگای شارستانی دروسکەێد، وئاسۆ ئەرا نیشتەجیبوین و گەشەی وزەی لەش ودەروینان کەێدەو، چوینکە ئەو شارەیلە دەرهێنان و توانای بەرهەمیان خەێدە بان ری خۆجێی گونجیاگ وەگەرد رەوش گشتی مرۆڤایەتی.
وەیجوورە پارێزگای دهۆک دروس بوی، وەرجە ٥١ ساڵ، دویای ئەوە ک سەروە پارێزگای مووسڵ بوی، کاریگ جوور زاینی بوی ک هەسی نوو گرنگیگ وەپی لەدایگ بوی، لەوەر تایبەتمه‌ندیل دانیشتوانی و سروشته‌گه‌ی ک تایبەتە وە دهۆک، ئەویش کاریگە ئاسانكاری كه‌ید وجیگرە خاسترەگان ئەرا دانیشتەیلی تێرێدەجی. وەبونه‌ی رەدبوین ٥١ ساڵ لەبان مه‌زرانن پارێزگای دهۆک، چالاکوانەیل مەدەنی و پسپۆڕەیل داوا لە حکومەت هەرێم کوردستان کردن، گرنگی زیاتر وەی پارێزگا بیەێد.
رەمەزان کوفلی، وەرپرس کۆمەڵگەی ئەکادیمیه‌یل زانسته‌ سیاسیەگان لە دهۆک، باس دهۆک کرد جوور ئاوای گەورایگ، ولە قسەگەی ئەرا ئاژانس شەفەق نیوز داوا لە وەرپرسەیل حکومەت کوردستان کرد، گرنگی بیەنە شارەگە، وداواکاریەیل هاووڵاتیەیل جیوەجی بکەن، وپارێزگاگە دویرەبخەن لە ململانەی سیاسی.
چەکدار ئەتروشی، روژنامەنووس، ئەرا ئاژانس شەفەق نیوز ئویشێد؛ دهۆک بویە هەرویلک وقەڵایگ ئەرا هەرکەس مینەی ئارامی بکەێد، وبویە سومبولیگ ئەرا پێکەوەژیان وبرایەتی، چوینکە باوش گردیەسە سەدا هەزار کۆچبەورو وئاوارە، ئەراوە شایستەی گەوراترین گرنگی وەپیدانە، ئەرا گەشەوەپیدان گشت کەرتەیلی ولەگشت لایەنەگان.
لای خوەییش، فەرهاد ئەتروشی پارێزگار دهۆک، لە بیاننامه‌ێگی وەی بونە، باس چوینیەتی دروست بوین پارێزگای دهۆک کرد، هەنای وت؛ سەرکردایەتی شۆڕش ئەیلول، ک لەساڵ ١٩٦١ دەسوەپی کرد، وەسەرپەرشتی جەنڕاڵ موستەفا بەرزانی، هیشت حکومەت ئەو وەختەی عراق، دهۆک لە قەزا بکەێدە پارێزگا، چوینکە پارێزگاگە تایبەتمەنی ئەوزەڵی خوەی دیرێد، لە باوەتەیل کشتوکاڵی و بازرگانی، ک هیلێدەی بوودە ئەو ئاستە، تا لە ٢٧/٥/١٩٦٩ رەسیە ئەو ئەنجامە.
پارێزگار دهۆک، لەبەیاننامەگەی ، ئومیدواری ژیان خوەش وئارامیگ ئەرا خەڵک پارێزگاگە پێشکەش کرد، وهیوای چگنەوەی ئاوارەگان وە سەڵامەتی و ئارامی ئەرا ناوچەگانیانكرد.
دهۆک پارێزگایگە، کەفێدە باکوور هەرێم کوردستان عراق، وشار دهۆک ناوەندەگەیە، ٧ قەزا و ٢٩ ناحیە هاناوی ، سنور هەرسگ لاگانی کویەس، ک دیمەنیگ رەنگین دەێدە شارەگە، ولەناوی رووبار بویچگیگ رەدبوود، سەرچەوەگەی لە بەنداو گەورای دهۆک تیەێد، و لەرەنگینترین ناوچەیل گەشەیی دانریەێد.
پارێزگای دهۆک، خاوەن ناوچەیل گەشتو گوزرا رەنگینیگە، لە بار گرنگی مێژووی و جوگڕافی جیوازی گەورا دێرید، ئەویش لە هەسی فرەی لە ئاسەوار وهەڵکوڵینە کۆنەگان، ک لە تەپەیل وئەشکەفتەیل ئەولا ئاشکرا کریا. بیجگە شوینە ستڕاتیژیەگەی لەبان سنور دوو دەوڵەت، ورەدبوین هێڵ گواستنەوەی ناودەوڵەتی، ک لە لاییگ عراق و تورکیا ویەیک بەسێدەو، و جهان دەیشت لەلاییگ تر، وهەسی هێلە نەفتیەگە ک لەکەرکوکەو رەدبوود وەرەو تورکیا.

related