دەسڵات ئاڵای چەرمگ هەڵگرد... هەرکەراخوەیه‌ و مقەیەتی کۆڕۆنا نین لە شار سەدر

Category: ڕاپــۆرت

Date: 2020-06-03T15:19:32+0000
دەسڵات ئاڵای چەرمگ هەڵگرد... هەرکەراخوەیه‌ و مقەیەتی کۆڕۆنا نین لە شار سەدر

شەفەق نیوز/ شار سەدر لە بەغداد پایتەخت، یەکیگە لە گەوراترین كۆمه‌ڵگه‌یل نیشته‌جابووین لە پارێزگاگە، شایەت لە گشت عراق لە بەراورد کردن وەگورەی ئەو شارەگان تر، ک دانیشتوەیلی وەگورەی مەزەنەگان لە دوو مەلیۆن کەس زیاترە، وفرەیان کەم داهات و هەژارن، ک لەبان روژانە کاری لە ناوچەیلیگ تر، یا ناو شارەگە جوور بازاڕ مرێدی ئەرا فروشتن چشتەیل وەکاهاوریاگ و کۆنە، وەرانوەر پویل کەمیگ گوزران کەن.
بڵاوبوی پەتای کۆڕۆنا مەترسی گەورا ئەرا ئی شارە هاورد، لەوەر فره‌یی دانیشتوەیل، ونا پابەندی فرەیگ لەلیان وە قەیەغەی هاتوچگنەگە، چوینکە لەسای قەرەبوو نه‌كردن حکومەت ئەرا وەجیهیشتن کارە سادەگانیان ودانیشتنیان لەماڵ ، ئەوە کارگەری خراو لەبان ژیان و گوزرانیان دیرید.
وەرپرسەیل لە خاڵە کۆنتڕۆڵەگان ئەرا جیوەجیکردن قەیەغەگە لە شار سەدر لە قسەیگ ئەرا ئاژانس شەفەق نیوز باس لە نا پابەندبوین دانیشتوەیل و پاپانەوی لە وەکارهاوردن دەمامەک و ئەو چشتە مقیەتیەگان لە ڤایڕۆسەگە كردن.
ئەندامەیل ئەو خاڵەیلە مەزەنەکردن ک ریژەیگ لە ٥% زیاتر نیە لەدانیشتوەیل ک دەمامەک وەکار تیەێرن، هەرلیوا وەل ئەو چشتە مقەیەتیەگان تر، وهوشداری دان ک ئەیە هیلێد رێژەی تویشهاتن لە شارەگە بەرزەوبوود.
یەیش وەڕاسی کار مەترسییگە، ك لە گشت تویشهاتنەگان عراق وبەغداد پایتەخت، وتایبەت لە رسافە ، ژمارە روژانەی تویشهاتنەگان لە شار سەدر بەشە گەوراگە دیرێد،.
حەسەن تمیمی وەزیر تەندروسی عراق، وەرجەیە ئاماژە دا وە پاپا نەوی لە رێوشوێنەیل مقەیەتی تەندروسی ناوین چشتفروشە ده‌سگەردیەگان. وتیش ناوچە قەرەباڵغەگان خاوەن فرەترین تۆمار تویشهاتنه.

related