ئه‌ڵوه‌ن تیه‌نی

ت ئویشی رووژێ تیه‌یده

ئه‌ڵوه‌ن لرفه‌ی بایده‌وه‌

ماسیه‌یل ئمڕوو هه‌ڵاکن

له‌ی مه‌ڵوه‌نه‌ هه‌ڵاتن

گڵای داره‌یلد سیسن

گشتیان مات و مه یوسن

ت ئویشی رووژێ تیه یده

ئه‌ڵوه‌ن لرفه‌ێ بایده‌وه‌

"بوێژێ " ئه‌ڵوه‌ناتی

هایده ‌کووره‌ دی ناتی

ئه‌ڵوه‌ن ئمساڵ بڕ نه‌کرد

هووره‌ چڕێ ، چڕ نه‌کرد

ت ئیوشی رووژێ تیه یده‌

ئه‌ڵوه‌ن لرفه‌ی بایده‌وه‌

خاوه‌نه‌گه‌ی "گه‌رمه‌ شین"

وارگه‌د ها پای بیستۊن

ئمساڵ یه‌کێ شۊ نه‌کرد

خرنگه‌ی بازنه‌ی قۊ نه‌کرد

ت ئیوشی رووژێ  تیه یده‌

ئه‌ڵوه‌ن لرفه‌ێ بایده‌وه

له‌پمان شووڕه‌ ئاسمان

بوو کز دڵ هاته‌ بان

داوا که‌یم وه‌ یه‌ی زوان

وه‌ یه‌ی زوان نیشتمان

ئه‌ ڵوه‌ن لرفه‌ێ بایده‌وه‌

ئی وشکه‌ ساڵه‌ نایده‌وه‌‌