باڵ گورانی

هەناێ مۆسیقا کپەو بوی

دەنگ دووسی توو هاتە بان.

**

هەرچەنی دویرەو کەفم

سای خوەم گوما کەم

ک زانم تو هیمان خوەر منێ.

***

هەر مەوقەیگ تەقیامە شەیتانیگ 

باڵیگ لە دووسی توو درارم

و زیاتر بەرزەو بووم.

***

دەنگ قاڵ ژنەیلیگ ژنەفم

وەرەو من تیەن

گلەیی کەن

تویڕە بوینە

بەشیگیان کز و ئرمس لە چەو

پەلەکیشم کەن

یانە دڵ من بوین

وەرجەیەگ چگند جیوەجی بکەێ.

***

ئی شارە خوەشهاڵم نیەکەێد

سەنگەیلی ئایمن

یە قەیریگە لە میلکان خوەیان بار کردنە

وەرەو چەمیگ وەشیوەی خوەیان نییە

نە بوینە شەپیگ

نەیش ریواریگ کیشان

م هامە ئیرا

تەنیا ئەراوە ک توو وەجی هیشتێدەم

خوەم ئاسای

خوسەم لە شارەگەی تو تیەێد

و توویش دووسم دیرێ.

گوڵاڵە نووری - ئەمریکا