شەواریگ زڵف
2024-04-23T05:59:33+00:00
ت پرزەێ نەرمەوارانی
گوڵە زەردەێ وەهارانی
لە هاڵم کەێ خەوەر زانی
هزاران ژان لە دڵ دێرم
ت پرشەێ نۊر خوەر دیری
شەوارێگ زڵف لە سەر دیرى
لە هاڵم کەێ خەوەر دیری
هزاران ژان لە دڵ دێرم
ت چۊ ماسی هەوز و من
ت تۊل تازە ڕەوز و من
ت چۊ سەرسەوز سەوز و من
هزاران ژان لە دڵ دێرم
هسارەێ شەو پایزم
ئەگەر وە کز کزەو سزم
ئەگەر بێ هاز و بێ نزم
هزاران ژان لە دڵ دێرم
دڵم خاو و شییەو مەکە
لە قات زڵف جییەو مەکە
زەڕەێ مەیلم نییەو مەکە
هزاران ژان لە دڵ دێرم
سەعید بانان
