" مــــــەس "

ئـمشەو لـەنو مــف نـــەم جــــام

کـــاســە کـــاســە شــــــراو تـــوام..

ئــمـشـەو لــە زەیـــو بــاڵەو گـــرم

زیـــــــوخ هــــــزار ســــاڵــەم دڕم ..

ئـــەێ ئـــەزرەتــەیل دی ئــاجــزم

خـــوەمــیش خـــێـاڵ خـــوەم دزم ..

بـــیـلا بــخـوەم نــــوڕم مــەکـەن

وە بــێ گـونــا کــوورم مــەکـەن ..

بــــیــلا مــەسـوم وە حــاڵ خـوەم

جــام جـام شـراو مــەشـکە بخوەم ..

ئــەێ ئـــاێـمـەیڵ ئـــاوم مـەێـێەن

شــــراو هــــزار ســــاڵـەم بــێـێەن ..

ئــمشەو جـور کــەو بـــاڵــەو گــرم

دڵ لــــە مــــاڵـــو مــاوام بـــــڕم ..

تــا لاێ خـودا فـەرشێ خـەمـەو

گـــریـەێ ئـــەزرەتــەیلم کـــەمەو ..

هــەرچـێ داێــە وەپـیـم دەمــەو

هــەلاێ بــیوشێ ئــەورە نـەمـەو ..

سـفـرەێ دڵــــم ئــڕاێ خــەمـــەو

خــوڵکیـش نـەکەێدن نـیەتـیەمەو ..

دادم وە پــید ئــەێ شــاێ شــەوار

شـــەوم بــووەو بــــارەو وەهـــار ..

گـــوڵانم لـــە خــەو چــیوزە بـــەێ

شـــراوم قــوڵـپ لــە کـیوزە بـــەێ ..

مـەشکەژەنــیش بەد مـەس بـکـەێ

شــراو وە خــنـیـەێ دەس بـکـەێ..

کــاســە کــاسـەێ ڕام کــل بـکـەێ

سـەد کـونـەێ بـور لــە مــل بــکەێ..

منیش هە مـەسم ، جور مـینگەنەوار

شـەوار وە سوو کەم ، لــە دوز دەوار ...

پاتوورە