هەور خەمبار

هەور خەمبار
2018-01-08T19:00:00+00:00

ئه‌وقه‌ره‌ خه‌مباره‌ هه‌وره‌گان خه‌ێاڵم

که‌س گومه‌لێگ هێز نیه‌ێ له‌ کانی تاڵم

گردێیه‌ ته‌م جامه‌که‌یل و دۊزه‌مه‌ وارێد

سه‌ردسڕه‌ و بێ‌گڕه‌، کوانێگ ماڵم

چیمه‌ن و باخه‌یل وه‌هار، چینه‌ له‌ هۊرم

جۊ مه‌ل گیرووده‌م و دژمین ده‌مه‌ باڵم!

بێ‌خه‌وه‌ری چۊ به‌مه‌ سه‌ر ڕوژ وه‌ ڕوژم

بێ‌خه‌وه‌ری چۊ چووه‌ سه‌ر ساڵ وه‌ ساڵم…

شه‌مشه‌مه‌کوره‌ێ شه‌وه‌یل چووڵم و خوه‌زگا

باێدنه‌سه‌ر پۊکی زۊخه‌یل به‌تاڵم

سەی وەحید میرەبەیگی

 

Shafaq Live
Shafaq Live