ئه‌مريكا سێ ولايه‌ت داخست و هاتوچوو له مه‌ردمه‌يليان قه‌يه‌غه كرد
2020-03-29T09:45:36+00:00
شه‌فه‌ق نيوز/ ناوه‌ند نيشتمانى ئه‌مريكى ئه‌را روێ وه‌ڕوێ بونه‌وه‌ى په‌تا، وشدارى دا مه‌ردم نيشته‌جێ نيويۆرك و نيوجيرسى و كۆنيتيكيت له‌باره‌ى گه‌شتكردن ئه‌را ده‌يشت ولايه‌ته‌يليان ئه‌را ماوه‌ى 14 رووژ.
يه‌يش له‌وه‌ختيگه زويتر دۆناڵد تره‌مپ سه‌رۆك ئه‌مريكا، باس له‌وه كرد وشدارى ئه‌ياد له‌باره‌ى گه‌شتكردن له ناوچه‌ى نيويۆرك ك وه‌شيوه‌ى فراوانيگ زه‌ره‌دمه‌ن بويه له ئه‌نجام بڵاوبوينه‌وه‌ى ڤايرۆس كۆرۆنا، ئه‌ويش له‌وه‌ر ريگرى له ڤايرۆسه‌گه.
جى باسه، تره‌مپ باس له‌وه‌يش كرد ك كه‌ره‌نتينه كردن وه‌ته‌نيا خواست نيه و داوا له وه‌رپرسه‌يل ته‌ندروستى كردگه وشدارييگ تون ده‌ربكه‌ن له‌باره‌ى گه‌شتكردن له نيويۆرك و نيوجيرسى و كۆنيتيكيت.
