جاریگتر سزانن قورئان و پەرچەم عراقی لە وەردەم باڵیۆزخانەی عراق لە دانیمارک
2023-07-24T12:22:08+00:00
شەفەق نیوز/ بڕیگ کەس لە وەردەم باڵیۆزخانەی عراق لە دانیمارک، چاپیگ لە قورئان و پەرچەم عراقی سزانن، ئەوەیش وەگورەی خەوەر میدیایل راگەیانن لە خەوەریگ زویوەزی، ئمڕوو دووشەممە.
تووڕ سکای نیوز عەرەبیە وت: کەسەیلیگ چاپیگ لە قورئان لە وەردەم باڵیۆزخانەی عراق لە دانیمارک سزانن.
وەچەودیەیلیگ لەبان سۆشیال میدیا باس کردن ک کەسەیلیگ دانیمارکی تونەڕو چاپیگ لە قورئان پیرووز و پەرچەم عراقی لە ژیر چەو حکومەت و راگەیانن لە دانیمارک سزانن.
رووژ جمعەی گوزەشتە، پیاییگ کتاویگ سزان وت چاپیگە لە قورئان، ئەوەیش لە وەرانەوەر باڵیۆزخانەی عراق لە کۆبنهاگن.
ئەوەیش دویای یەک رووژ لە پەلامار ناڕەزایل لەبان باڵیۆزخانەی سوید هات لە بەغداد و سزاننی، وە ناڕەزایی لەبان سزانن چاپیگ لە قورئان لە ستۆکهۆڵم، و ریداین وەلایەن حکومەت سوید ئەرا ئیجویر کارەیلیگ.
دویای ئەوە ک پەنابەریگ عراقی چاپیگ لە قورئان لەلای مزگەفت ستۆکھۆڵم دڕان و سزان، وە ئاگاداری پولیس، بویە شەپوولیگ بیزاری لە جەهان عەرەبی و ئیسلامی.
