زەخمداری ٣ کەس وە رمیان زەوی لە سوید
2023-09-23T13:53:20+00:00
شەفەق نیوز/ رمیان ناکاوییگ لە زەوی خوەرئاوای سوید، لەبان رییگ سەرەکی وەرەو نەرویج، ئمڕوو شەممە، بویە هوکار زەخمداری ٣ کەس هەناێ ماشینیان و پاسیگ لەبان ریەگە سڕیا، وەگورەی راگەیانن پولیس سویدی.
وینە و ڤیدیۆیەیلیگ چاڵیگ وەپانی ٥٠٠ مەتر نشان دان کە لەناو ری سەرەکی ئی6 وازەو بوی، کە ئەو ڕستە لە باشوور سوید تا نەرویج چوود.
پولیس وتیش: ٤ ماشین و پاسیگ لە ریەگە سریان و دان لەیەک، و ٣ کەس ئەرا خەسەخانە بریان، و زەرەد وەچەن بینایگ رەسیە.
ئوگست براندت قسەکەر پولیس ئەرا کەناڵ ئێس ڤی تی سویدی وت: لە ساعەت ١:٤٥ شەوەکی ئاگاداری رەسیە، و بەش گەورەیگ لە ری ئی6 لە ستینونگسوند رمیا.
تا ئیسە هوکار ئەو زەویڕمیانە ئاشکرا نەویە، و میدیایل راگەیانن سوید وتن: کارەیل بیناکردن و تەقانن و چاڵکەنین فرەیگ لەو ناوچە بویە، و لەی رووژەیلە واران فرەیگ واریە.
