زياتر له‌ مليۆن و200هه‌زار تويشهاتن‌ و65 هه‌زار مردن وه‌ كۆرۆنا له‌جه‌هان تۆمار كرياس

زياتر له‌ مليۆن و200هه‌زار تويشهاتن‌ و65 هه‌زار مردن وه‌ كۆرۆنا له‌جه‌هان تۆمار كرياس
2020-04-05T09:57:14+00:00

شه‌فه‌ق نيوز/ دويايين شماره‌و ئاماره‌يليگ ئه‌وه‌ ده‌رخستنه‌ ك شماره‌ى تويشهاتگه‌يل وه‌ ڤايرۆس كۆرۆنا له‌ جه‌هان ره‌سيه‌سه‌ يه‌ك مليۆن و 200 هه‌زار و نزيكه‌ى 65 هه‌زار حاڵه‌ت مردنيش تۆمار كرياس.

 

وه‌گووره‌ى به‌ياننامه‌ى زانكۆى "جونز هوبكنز"، وڵاته‌يل يه‌كگرتگ كه‌فته‌سه‌ نواى وڵاته‌يل جه‌هان له‌ باره‌ى شمارى تويشهاتن و شماره‌ى ره‌سيه‌سه‌ 311 هه‌زار تويشهاتگ. دوياى ئه‌ويش ئيتاڵيا له‌شوونى ئه‌يه‌ێد ك زياتر له‌ 15300 كه‌س مردنه‌ و 126 هه‌زار تويشهاتن وه‌ كۆرۆنا تۆمار كردگه‌، و له‌شوون ئه‌ويش فره‌نسا ك زياتر له‌ 7500 حاڵه‌ت مردن و زياتر له‌ 90 هه‌زار تويشهاتن  تۆمار كردگه‌.

 

 جى باسه‌، شماره‌ى تويشهاتن و مردن  وه‌ ڤايرۆس كۆرۆنا له‌ جه‌هان روێ له‌ به‌رزه‌وبوين گورجيگ كرد ك له‌ 181 ده‌وڵه‌ت و ناوچه‌ له‌ جه‌هان بڵاوه‌و بويه‌.

Shafaq Live
Shafaq Live