سه‌رۆك چين ئاگادار تره‌مپ كرد ئاماده‌ن ده‌سميه‌ت ئه‌مريكا بيه‌ن ئه‌را له‌ناوبردن كۆرۆنا

سه‌رۆك چين ئاگادار تره‌مپ كرد ئاماده‌ن ده‌سميه‌ت ئه‌مريكا بيه‌ن ئه‌را له‌ناوبردن كۆرۆنا
2020-03-27T09:22:22+00:00

شه‌فه‌ق نيوز/ شى جين بينگ سه‌رۆك چين له‌ په‌يوه‌ندييگ ته‌له‌فۆنى وه‌ل دۆناڵد تره‌مپ هاوتا ئه‌مريكيه‌گه‌ێ، باس له‌ ئاماده‌گى وڵاته‌گه‌ى كرد ئه‌را ده‌سميه‌تداين ئه‌مريكا له‌وه‌ر له‌ناوبردن ڤايرۆس كۆرۆنا و ئوميد ئه‌وه‌يش خواست واشنۆن گامه‌يليگ بنه‌ێد ئه‌را خاسه‌وكردن په‌يوه‌نديه‌يل له‌ناونى هه‌ردوگ وڵات.

 

وه‌گووره‌ى ته‌له‌فزيۆن فه‌رمى چين، سه‌رۆك وڵاته‌گه‌ له‌و په‌يوه‌ندى ته‌له‌فۆنيه‌ ك ئمڕوو ئه‌نجام درياگه‌، جه‌خت له‌بان په‌يوه‌نديه‌يل ناونى چين و ئه‌مريكا كردگه‌ و وتگه‌: ئوميده‌واريم وڵاته‌يل يه‌كگرتگ وه‌ باوه‌تيانه‌ ته‌ماشاى خاسه‌وكردن په‌يوه‌نديه‌يل ناونى هه‌ردوگلا بكا و باس له‌وه‌يش كردگه‌ ك هاوكارى ناونى هه‌ردوگلا ته‌نيا بژارده‌يگه‌ ئه‌را خاسه‌وبوين په‌يوه‌نديه‌يل.

 

جى باسه‌، شى جين بينگ ئوميد ئه‌وه‌يش خواستگه‌ وڵاته‌يل يه‌كگرتگ رێ وشوونه‌يل كرده‌وه‌يى و كارايگ بگرێده‌ وه‌ر ئه‌را مقه‌يه‌تيكردن له‌ گيان هاووڵاتيه‌يل چينى له‌ناو خاكه‌يل ئه‌مريكا.

Shafaq Live
Shafaq Live